මහනුවර දිස්ත්‍රික් ක්‍රීඩා හොකි තරගාවලියේ ශුරතා මහනුවර කිංග්ස්වුඩ් හා ස්වර්ණමාලි ක්‍රීඩා සමාජය දිනා ගනී.
මහනුවර දිස්ත්‍රික් ක්‍රීඩා හොකි තරගාවලියේ ශුරතා මහනුවර කිංග්ස්වුඩ් හා ස්වර්ණමාලි ක්‍රීඩා සමාජය දිනා ගනී.
48 වන ජාතික මහා ක්‍රීඩා උළෙලේ දෙවන අදියර ලෙස පැවත් වූ මහනුවර දිස්ත්‍රික් ක්‍රීඩා හොකි තරගාවලියේ පිරිමි ශුරතාවය දිනා ගැනීමට මහනුවර ආදී කිංග්ස්වුඩ් ක්‍රීඩා සමාජය සමත් වූ අතර කාන්තා ශුරතාවය ස්වර්ණමාලි ක්‍රීඩා සමාජය දිනා ගන්නා ලදී.
තරඟාවලියේ අවසන් පූර්ව තරගය වලදී පිරිමි අංශයෙන් ආදී සිල්වෙස්ටර් ක්‍රීඩා සමාජය ගෝල 0 - 2 කින් පරාජය කළ කිංග්ස්වුඩ් ක්‍රීඩා සමාජය ජය ගන්නා ලද අතර දෙවන අර්ධ අවසන් තරගයේදී KH & FC කණ්ඩායම 0 - 2 ලෙස ලබා ගනිමින් ආදි විද්‍යාර්ථ ක්‍රීඩා සමාජය ජය ගන්නා ලදී. ඒ අනුව අවසන් තරගය සදහා ආදි විද්‍යාර්ථ කණ්ඩායම හා ආදී කිංග්ස්වුඩ් කණඩායම් සුදුසුකම් ලැබූ අතර අවසන් තරගයේදී ගෝල 0 - 1 ලෙස ලබා ගනිමින් ශුරතාවය හිමිකර ගැනීමට මහනුවර ආදී කිංග්ස්වුඩ් ක්‍රීඩා සමාජය සමත් විය. අනුශුරතාවය ආදි විද්‍යාර්ථ කණ්ඩායමට හිමි විය.
කාන්තා අර්ධ අවසන් පලමු තරග සීතාදේවි ක්‍රීඩා සමාජය හා ස්වර්ණමාලි ක්‍රීඩා සමාජය අතර පවතී අතර එහිදී ගෝල 0- 2 ලෙස ලබා ගනිමින් ජය ලබා ගැනීමට ස්වර්ණමාලි ක්‍රීඩා සමාජය සමත් විය .දෙවන අර්ධ අවසන් තරගයේ දී ගෝල 0 – 3 ලෙස ලබාගනිමින් මැණික්දිවෙල ක්‍රීඩා සමාජය පරාජය කරමින් මහනුවර කාන්තා කණ්ඩාය ජය වාර්තා ලදී.
අවසාන තරගයේදී විශිෂ්ට ලෙස ක්‍රීඩා කළ ස්වර්ණමාලි ක්‍රීඩා සමාජය මහනුවර කාන්තා කණ්ඩායම ගෝල 3 - 4 ලෙස ලබා ගනිමින් පරාජය කොට ශුරතාවය හිමිකර ගන්නා ලද අතර අනුශුරතාවය මහනුවර කාන්තා කණ්ඩායමට හිමි විය.
මෙම තරගාවලිය මහනුවර දිස්ත්‍රික් ක්‍රීඩා නිලධාරි කාර්යාලය මගින් සංවිධානය කරන ලද අතර තරගාවලියේ ජය සංකේත ප්‍රධානය මධ්‍යම පළාත් ක්‍රීඩා අධ්‍යක්ෂ ආර්.තිලකේෂ්වරී මහත්මියගේ ප්‍රධානත්වයෙන් සිදු කරන ලදී. මෙම අවස්ථාවට මහනුවර දිස්ත්‍රික් ක්‍රීඩා නිලධාරි චන්න සෝමරතන මහතා ඇතුළු පිරිසක් එක් වූ අතර තරගාවලිය මහනුවර දිගන මධ්‍යම පළාත් සභා ක්‍රීඩාංගනයේ දී 5 දින පැවැත්විණ.
