මධ්‍යම පළාතේ සෞඛ්‍ය ක්ෂේත්‍රයේ පවතින ගැටළු සම්බන්ධයෙන් සාකච්ඡාවක්
මධ්‍යම පළාතේ සෞඛ්‍ය ක්ෂේත්‍රයේ පවතින ගැටළු සම්බන්ධයෙන් සාකච්ඡාවක් මධ්‍යම පළාත් ආණ්ඩුකාරවර මහාචාර්ය එස්.බී.එස්. අභයකෝන් මහතාගේ ප්‍රධානත්වයෙන් මහනුවර ආණ්ඩුකාර කාර්යාලයේදී (05) දින පැවැත්විණි.සමස්ත ලංකා හෙද සංගමයේ ඉල්ලීමක් අනුව සංවිධානය කර තිබු මෙම සාකච්ඡාවේදී මධ්‍යම පළාතට බලපා ඇති සෞඛ්‍ය ක්ෂේත්‍රෙය් වෘත්තීය හා ආයතනික ගැටළු සම්බන්ධයෙන් දිර්ඝ වශයෙන් සාකච්ඡාවට බඳුන්විය. ඒ අනුව ඒ සඳහා ලබා ගත යුතු කෙටි කාලීන හා දිගු කාලීන විසඳුම් සම්බන්ධයෙන්ද වැඩිදුරටත් සාකච්ඡා කෙරිණි.මෙම අවස්ථාව සඳහා මධ්‍යම පළාත් ප්‍රධාන ලේකම් අජිත් ප්‍රේමසිංහ, ආණ්ඩුකාර ලේකම් මංජුලා මඩහාපොල , පළාත් සෞඛ්‍ය, දේශීය වෛද්‍ය අමාත්‍යාංශයේ ලේකම් ජගත් අධිකාරී, මධ්‍යම පළාත් සෞඛ්‍ය සේවා අධ්‍යක්ෂ වෛද්‍ය නිහාල් වීරසූරිය, සමස්ත ලංකා හෙද සංගමයේ සභාපති එස්.ආර්. කහඳවආරච්චි යන මහත්ම මහත්මින් ද සහ සමස්ත ලංකා හෙද සංගමයේ සංගමයේ නියෝජිතයින් සහ ආමාත්‍යාංශ නිලධාරීන් පිරිසක් සහභාගී වූහ.
