මධ්යම පළාත් ආණ්ඩුකාරවර මහාචාර්ය එස්.බී.එස්. අභයකෝන් මහතා සහ ග්ලෝබල් හබ් සංවිධානයේ නියෝජිතයින් අතර හමුවක් මහනුවර ආණ්ඩුකාර කාර්යාලයේදී (27) දින පැවැත්විණි. ග්ලෝබල් හබ් සංවිධානය, මධ්යම පළාත් වාණිජ හා කර්මාන්ත මණ්ඩලය, මධ්යම පළාත් කාන්තා වාණිජ මණ්ඩලය සහ ලංකා ව්යාපාරික කවය යන සංවිධාන එකාබද්ධ කරමින් ආරම්භ කළ සංවිධානයකි. මෙම හමුවේදී මධ්යම පළාත් ආණ්ඩුකාරවරයා හමුවේ එම සංවිධානය ආරම්භ කිරීමේ අරමුණු සහ ක්රියාත්මක වැඩසටහන් සම්බන්ධයන් දැනුවත් කිරීම සිදු කළේය. එමෙන්ම ග්ලෝබල් හබ් සංවිධානය සහ මධ්යම පළාතේ රාජ්ය ආයතන අතර ඒකාබද්ධව වැඩසටහන් ක්රියාත්මක කිරීම සම්බන්ධයෙන්ද විශේෂ අවධානය යොමුවිය. මෙම අවස්ථාව සඳහා ග්ලෝබල් හබ් සංවිධානයේ සභාපති එම්.එස්.ඒ. මුනිර්, උප සභාපති ජගත් දිසානායක, ලේකම් නුවන් ගුණරත්න, භාණ්ඩාගාරික පසන් චන්ද්රසේකර සහ සංවිධායක තුසිත් සමරකෝන් යන මහත්වරුන් සහභාගී වූහ.
මධ්යම පළාත් ආණ්ඩුකාරවරයා සහ වියට්නාම තානාපතිනිය අතර හමුවක්.
මධ්යම පළාත් ආණ්ඩුකාරවර මහාචාර්ය එස්.බී.එස්. අභයකෝන් මහතා සහ වියට්නාම තානාපතිනි ට්රීන්හ තී තම් (Trinh Thi Tam) මහත්මිය අතර හමුවක් මහනුවර ආණ්ඩුකාර කාර්යාලයේදී (27) දින පැවැත්විණි.
ඉදිකිරීම් ක්ෂේත්රයේ සම්බන්ධයෙන් පවතින පළාත් හා ජාතික මට්ටමේ ගැටලු සම්බන්ධයෙන් විශේෂ සාකච්ඡාවක් මධ්යම පළාත් ආණ්ඩුකාරවර මහාචාර්ය එස්.බී.එස්. අභයකෝන් මහතාගේ ප්රධානත්වයෙන් ආණ්ඩුකාර කාර්යාලයේදී (27) දින පැවැත්විණී.ජාතික ඉදිකිරීම් සංගමයේ මධ්යම පළාත් කාර්යාලයේ නිලධාරීන්ගේ සහභාගිත්වයෙන් මෙම සාකච්ඡාව පැවැත්විය.මෙහිදී ඉදිකිරීම් කොන්ත්රාත්කරුවන් සඳහා බලපා ඇති වැලි හා පස් ලබා ගැනීම හා ප්රවාහනය, විධිමත් පරිදි ඉදිකිරීම් කොන්ත්රාත් ලබා ගැනීම හා ප්රදානය, පසුගිය කාලයේ සිදුකළ ඉදිකිරීම් සම්බන්ධයෙන් හිඟ මුදල් ලබා ගැනීම, අමුද්රව්ය මිල සහ සේවක වැටුප් ඉහළ යාම, මධ්යම පළාතේ ඉදිකිරීම් සිදුකිරීම ආදී සම්බන්ධයෙන් දීර්ඝ ලෙස සාකච්ඡා කෙරිණි. මෙම අවස්ථාව සඳහා ජාතික ඉදිකිරීම් සංගමයේ මධ්යම පළාත් කාර්යාලයේ සභාපති එස්. ඩබ්ලිව්. ගුණවර්ධන, ලේකම් ඊ. බණ්ඩාරනායක, භාණ්ඩාගාරික කේ. ඒ. ඒකනායක යන මහත්වරු ඇතුළු නියෝජිතයින් පිරිසක් සහභාගී වූහ.
පළාතේ අධ්යාපන සංවර්ධනයට සරසවියේ සහාය.
මධ්යම පළාත් ආණ්ඩුකාරවර මහාචාර්ය එස්.බී.එස්. අභයකෝන් මහතා සහ පේරාදෙණිය විශ්වවිද්යාලයේ උපකුලපති මහාචාර්ය ටෙරන්ස් මධුජිත්ම මහතා අතර හමුවක් ආණ්ඩුකාර කාර්යාලයේදී (27) දින පැවැත්විණී.මධ්යම පළාතේ අධ්යාපන හා උසස් අධ්යාපන ක්ෂේත්රය නංවාලීම සඳහා පේරාදෙණිය විශ්වවිද්යාලය මගින් අවශ්ය සහාය ලබා ගැනීම සහ විශ්වවිද්යාලයේ වත්මන් අධ්යයන කටයුතු සම්බන්ධයෙන් මෙහිදී සාකච්ඡා කෙරිණි.
එමෙන්ම වත්මන් අධ්යාපන ක්ෂේත්රයේ පවතින ගැටලු හා ප්රවණතා සම්බන්ධයෙන්, නව තාක්ෂණය යොදා ගැනීම ආදී කරුණු සම්බන්ධයෙන්ද මෙම සාකච්ඡාවේදී විශේෂ අවධානයක් යොමු කෙරීණී. මෙම අවස්ථාව සඳහා පේරාදෙණිය විශ්වවිද්යාලයේ නියෝජ්ය උප කුලපති මහාචාර්ය රංජිත් පල්ලේගම මහතා ද එක් වූහ.
මහාමායා දියණිවරු අන්තර්ජාලයෙන් පොත් ලියයි.
ඉදිරියේදි රට භාර ගැනීමට සිටින වත්මන් දූ දරුවන්ට, පවතින සමාජ වෙනස්කම් තුරන් කිරීමේ වගකීම ද පැවරෙන බවත් , ජාතිය, ආගම්, සමාජ තත්ත්වයන්, භුගෝලීය ආදී වෙනස්කම්වලින් තොර ශ්රී ලංකික ජනතාවක් බිහි කිරීමට සම්පූර්ණ වගකීම ඔවුන් වෙත පැවරෙන බවත් මධ්යම පළාත් ආණ්ඩුකාරවර මහාචාර්ය එස්.බී.එස්. අභයකෝන් මහතා පැවසීය.
මහනුවර මහමායා බාලිකා විද්යාලය විසින් සංවිධානය කරන ලද ‘හෙරණ ගත්කරණි’ විද්යුත් ළමා ග්රන්ථ අන්තර්ජාලයට මුදා හැරීම සදහා සංවිධානය කළ උත්සවයේ ප්රධාන ආරාධිතයා ලෙස සහභාගී වෙමින් තවදුරටත් අදහස් දැක්වූ මධ්යම පළාත් ආණ්ඩුකාරවරයා, ඒ සදහා විද්යුත් මෙවලම් වැඩි වශයෙන් භාවිතය ට ගැනීමේ සහ යොවුන් කණ්ඩායම් ඒකරාශී කර ගැනීමේ අවශ්යතාවය පෙන්වා දෙනු ලැබිය.
ශ්රී ලාංකීකයින් ලෙස එක් ජාතියක් ලෙස ලෝකය ඉදිරියට යාම සඳහා අවශ්ය පණිවිඩය ග්රන්ථ කරණය හරහා සියල්ලන් වෙත යැවීමට දරුවන්ට අවස්ථාව හිමිවන බවත් ඒ සඳහා සුදුසු මාතෘකා තෝරාගෙන ග්රන්ථ රචනා කිරීම සිදු කළ යුතු බවත් එයින් සමාජයට සෙතක් සිදුවන බවත් වැඩිදුරටත් ආණ්ඩුකාරවරයා පැවසීය.
එම විද්යාලයීය ශ්රවනාගාරයේදී පැවති මෙම ග්රන්ථ එළිදැක්වීමේ අවස්ථාවේ අනුශාසනාව මල්වතු මහා විහාර පාර්ශවයේ අනුනායක පූජ්ය නියංගොඩ විජිතසිරි ස්වාමීන්ද්රයන් වහන්සේ විසින් සිදු කළ අතර විශේෂ දේශනය පේරාදෙණිය විශ්ව විද්යාලයේ ජ්යෙෂ්ඨ මහාචාර්ය ලීයනගේ අමරකීර්තී මහතා විසින් සිදු කරන ලදි.
මෙහිදී ,පිරිවෙන් ශිෂ්ය භික්ෂුන් වහන්සේලා සහ සිසු දරුවන් විසින් රචනාකළ විද්යුත් ග්රන්ථ හත්සීයක් පමණ අන්තර්ජාලයට මුදා හැරීම ද මෙහිදි සිදු කෙරිණි.
මෙම අවස්ථාව සඳහා ශ්රී දළදා මාලිගාවේ දියවඩන නිලමේ ප්රදීප් නිලංග දෑළ, මහනුවර මහමායා බාලිකා විද්යාලයේ විදුහල්පතිනි ශසිකලා සේනාධීර, වෛද්ය නුවන් තොටවත්ත, වැඩසටහනේ සම්බන්ධිකාරක සෙනවිරත්න මහලේකම් යන මහත්වරුන් සහ ගුරු භවතුන්, සිසු දරුවන් ඇතුළු පිරිසක් එක් වූහ.
