ක්ලීන් ශ්‍රී ලංකා පිළිබඳව මහනුවර පළාත් පාලන ආයතනවල නිලධාරීන් දැනුවත් කෙරේ.
ක්ලීන් ශ්‍රී ලංකා පිළිබඳව මහනුවර පළාත් පාලන ආයතනවල නිලධාරීන් දැනුවත් කෙරේ.
ආචාර ධර්ම සහ ආකල්ප සංවර්ධනය කිරීමේ සහ ක්ලීන් ශ්‍රී ලංකා සංකල්පය පිළිබඳව මහනුවර දිස්ත්‍රික්කයේ පළාත් පාලන ආයතනවල තෝරාලගග් නිලධාරීන් පිරිසක් දැනුවත් කිරීමේ වැඩසටහනක් මහනුවර ඊ.එල්. සේනානායක ළමා පුස්තකාල ශ්‍රවනාගාරයේදී (25) පැවැත්විණි.සිරි දළඳා වන්දනාව 2025 ට සමගාමීව, ජනාධිපති ලේකම් කාර්යාලයේ සහ ක්ලීන් ශ්‍රී ලංකා ව්‍යාපෘතියේ මෙහෙයවීමෙන් මධ්‍යම පළාත් පළාත් පාලන දෙපාර්තමේන්තුවේ සම්බන්ධිකරණයෙන් මෙම වැඩසටහන සංවිධානය කර තිබිණි.මෙම වැඩසටහනේදී ක්ලීන් ශ්‍රී ලංකා සංකල්ප සහ රාජ්‍ය නිලධාරීන්ලෙස ඊට අනුගත වී කටයුතු කිරීම, ඉදිරියේදී ක්‍රියාත්මක කිරීමට අපේක්ෂිත ව්‍යාපෘති හා වැඩසටහන් සම්බන්ධයෙන් දැනුවත් කිරීම සිදුවිණි.එහි සම්පත් දායක ලෙස ක්ලීන් ශ්‍රී ලංකා ව්‍යාපාතියේ අධ්‍යකෂ (සමාජිය කටයුතු) දුලිප් සොමිරත්න මහතා කටයුතු කළේය.මෙම අවස්ථාව සඳහා මහනුවර දිස්ත්‍රික්කයේ පළාත් පාලන ආයතනවල සහ ක්ලීන් ශ්‍රි ලංකා ව්‍යාපාතියේ නිලධාරින් පිරිසක් සහභාගී වූහ.
