මහනුවර ආපදා සම්බන්ධ විශේෂ දිස්ත්රික් සම්බන්ධිකරණ කමිටු රැස්වීම.
මහනුවර ආපදා සම්බන්ධ විශේෂ දිස්ත්රික් සම්බන්ධිකරණ කමිටු රැස්වීම.
මහනුවර දිස්ත්රික්කයේ ආපදා තත්ත්වයට පත්වී ඇති ජනජිවීතය නැවත යථා තත්ත්වයට පත්කිරිමේ කටයුතු පිළිබද විශේෂ දිස්ත්රික් සම්බන්ධීකරණ කමිටු රැස්වීමක් දිස්ත්රික් සම්බන්ධිකරණ කමිටු සම සභාපතිවරුන්වන කෘෂි කර්ම, පශු සම්පත්, වාරි මාර්ග හා ඉඩම් අමාත්ය කේ.ඩි. ලාල්කාන්ත, මධ්යම පළාත් ආණ්ඩුකාරවර මහාචාර්ය එස්.බී.එස්.අභයකෝන් යන මහත්වරුන්ගේ ප්රධානත්වයෙන් මහනුවර දිස්ත්රික් ලේකම් කාර්යාලයීය ශ්රවනාගාරයේදී (09) දින පැවැත්විණි.මේවන විට අපදා තත්ත්වය හේතුවෙන් මහනුවර දිස්ත්රික්කයේ පවුල් 52,469 ක පුද්ගලයින් 166,656 ජනතාව අපදාවට ලක්වී තිබේ. අවතැන්වූ පවුල් 8,129 ක් පුද්ගලයින් 28,046 ක් සුරක්ෂිතතා මධ්යස්ථාන 308ක රඳවා ඇත.මෙහිදි අවතැන් වු ජනතාවගේ ජන ජීවත සුරක්ෂිත කිරීම සම්බන්ධයෙන් මේ දක්වා ගෙන ඇති ක්රියාමාර්ග සම්බන්ධයෙන් අපදාවෙන් හානියට පත් වූ ප්රදේශයන් යථා තත්ත්වයට පත් කිරීම සහ එවායේ මේ දක්වා ප්රගතිය සම්බන්ධයෙන් අවාධානය යොමු කෙරිණි.මේ යටතේ දිස්ත්රික්කයේ මාර්ග සංවර්ධනය, අධ්යාපන, පළාත් පාලන ආයතන කටයුතු, ප්රවාහන සේවා, ජල සම්පාදන, වාරිමාර්ග, ඛනිජ තෙල්, සන්නිවේදන මධ්යස්ථාන, ආපදා සහන සේවා, සෞඛ්ය සේවා, සුරක්ෂිතතා මධ්යස්ථාන ආදි කටයුතු පිළිබඳව දීර්ඝ ලෙස සාකච්ඡා විය.මෙම අවස්ථාව සදහා සෞඛ්ය නියෝජ්ය අමාත්ය වෛද්ය හංසක විජේමුණි මහතා ඇතුළු මහනුවර දිස්ත්රික්කය නියෝජනය කරන පාර්ලිමේන්තු මන්ත්රීවරුන්, පළාත් පාලන ආයතන නියෝජිතයින්, මධ්යම පළාත් ප්රධාන ලේකම් අජිත් ප්රේමසිංහ මහතා ඇතුළු අමාත්යාශ ලේකම්වරුන් හා දෙපාර්තමේන්තු ප්රධානින් , දිස්ත්රික් ලේකම් ඉන්දික උඩවත්ත මහතා ඇතුළු ප්රාදේශීය ලේකම්වරුන් හා රාජ්ය නිලධාරින් රැසක් සහභාගී වුහ.
