මධ්‍යම පළාත් රට හරහා දිවීමේ තරගය දිගන දී.
මධ්‍යම පළාත් රට හරහා දිවීමේ තරගය දිගන දී.
මධ්‍යම පළාත නියෝජනය කරමින් ජාතික රට හරහා දිවීමේ තරගාවලිය සඳහා සුදුසුකම් ලබා ගැනීම වෙනුවෙන් මධ්‍යම පළාත් ක්‍රීඩා දෙපාර්තමේන්තුව මගින් සංවිධානය කරන ලද මධ්‍යම පළාත් රට හරහා දිවීමේ තරඟය අද දින ( 27 දිනයේ) දිගන සෙනරත්වෙල ප්‍රදේශයේ දී පැවැත්විණ. 49 වන ජාතික මහා ක්‍රීඩා උළෙලේ තෙවන අදියර ලෙස පැවැත්වූ මෙම තරගාවලිය කාන්තා හා පිරිමි ලෙස අංශ දෙකකින් සමන්විත විය.මෙහිදී පිරිමි අංශයේ ප්‍රථම ස්ථානය දිනා ගැනීමට නුවරඑළිය දිස්ත්‍රික්කය නියෝජනය කළ එම්. ශිවරාජන් ක්‍රීඩකයා සමත් විය. දෙවන ස්ථානය ආර්. යදිෂන් විසින් ද තෙවන ස්ථානය පී. කේ. මල්ගම්මන යන ක්‍රීඩකයින් විසින් හිමිකර ගන්නා ලදී.මෙම තරගයේ කාන්තා අංශයේ ප්‍රථම ස්ථානය දිනා ගැනීමට මහනුවර දිස්ත්‍රික්කයේ එච්.ඒම්.සී.එස්.හේරත් ක්‍රීඩිකාව සමත් වූ අතර දෙවන ස්ථානය එච්. එම්. ඩබ්. ජී. ඩබ්. එම්.හේරත් ද , තෙවන ස්ථානය වී. ක්‍රිෂාන්තිනි විසින්ද හිමිකර ගැනීමට සමත් විය.මධ්‍යම පළාත් ක්‍රීඩා අධ්‍යක්ෂ එච්. යු. නිශාන්ත මහතාගේ උපදෙස් මධ්‍යම පළාත් ක්‍රීඩා දෙපාර්තමේන්තුව මගින් මෙම තරගාවලිය සංවිධානය කොට පැවතුණි.
