‘සිරි දළදා වන්දනාව සිතුවම් දැක්ම 2025’
මහනුවර ශ්‍රී දළදා මාලිගාවේදි පවැත්වෙන සිරි දළදා වන්දනාවට සමගාමීව ‘සිරි දළදා වන්දනාව සිතුවම් දැක්ම 2025’ නමින් චිත්‍ර තරගයක් සංවිධානය කර ඇත.
බුද්ධ ශාසන ආගමික හා සංස්කෘතික කටයුතු අමාත්‍යාංශය විසින් සංවිධානය කළ මෙම සිතුවම් ඇඳිමේ තරගය සෑම දිනයකම පෙරවරු 6.30 සිට 10.30 දක්වා මහනුවර රැජින හෝටලය ඉදිරිපිට දළදා වීදියේදී පැවැත්වෙන අතර මේ සඳහා දරුවන් 450 ක් සඳහා අවස්ථාව සළසා දී ඇත.බුද්ධ ශාසන ආගමික හා සංස්කෘතික කටයුතු අමාත්‍ය හිනිදුම සුනිල් සෙනවි මහතාගේ ප්‍රධානත්වයෙන් ආරම්භ වූ මෙම වැඩසටහනට සහභාගිවන දරුවන් සඳහා සහතික පත්‍රයක් ද පිරිනැමීමට බුද්ධ ශාසන ආගමික හා සංස්කෘතික කටයුතු අමාත්‍යාංශය විසින් කටයුතු යෙදා ඇත.
