මධ්යම පළාත් "සොබා සිප් වදුල" වැඩසටහන මාතලේ දී
මධ්යම පළාත් "සොබා සිප් වදුල" වැඩසටහන මාතලේ දී
ක්ලීන් ශ්රී ලංකා ජාතික වැඩසටහන යටතේ "සොබා සිප් වදුල" ජාතික වැඩසටහනේ මධ්යම පළාත් සමාරම්භක උත්සවය (02) දින නිල වශයෙන් මධ්යම පළාත් ආණ්ඩුකාර මහාචාර්ය එස්.බී.එස්. අභයකෝන් මහතාගේ ප්රධානත්වයෙන් මාතලේ අධ්යාපන කලාපයේ කවුඩුපැලැල්ල සිංහල විද්යාලයෙන් ඇරඹිණි.මෙම වැඩසටහනේ මූලික අරමුණ වන්නේ ස්වභාවධර්මය සමඟ අධ්යාපන පරිසරය සම්බන්ධ කිරීම තුළින් දරුවන්ගේ සදාචාරාත්මක වටිනාකම් සහ ආකල්පමය සංවර්ධනය කොට සංවේදී හා මානව හිතවාදි දරු පරපුරක් නිර්මාණය කිරීමයි.මෙහිදී විද්යාලයේ බැහැර ගත විවෘත පන්ති කාමරය "සොබා සිප් වදුල" සිසු අයිතියට පත් කිරීම සහ 'තුරු කැපකරු' වැඩසටහන යටතේ රුක්රෝපණ වැඩසටහනක්ද ක්රියාත්මක කෙරිණි.කෘෂිකර්ම පශූ සම්පත් ඉඩම් හා වාරිමාර්ග අමාත්යාංශය, උසස් අධ්යාපන හා වෘත්තීය අධ්යාපනය අමාත්යංශය, ශ්රී ලංකා හදබිම අධිකාරිය, එස්-ලෝන් ආයතනය ඇතුලු ආයතන රැසකගේ දායකත්වය යටතේ මෙම වැඩසටහන ක්රියාත්මක කරනු ලබයි.මෙම අවස්ථාව සදහා කවුඩුපැලැල්ල සිංහල විද්යාලයේ විදුහල්පති පූජ්ය ඉඹුල්පිටියේ විපස්සී හිමි, මධ්යම පලාත් ප්රධාන ලේකම් අජිත් ප්රේමසිංහ, ප්රධාන හා අධ්යාපන අමාත්යංශයේ ලේකම් මධුපානි පියසේන, මාතලේ දිස්ත්රික් ලේකම් ප්රසන්න මදනායක, මාතලේ කලාප අධ්යාපන අධ්යක්ෂ ටී. එන්. හෙට්ටිආරච්චි, ශ්රී ලංකා හදබිම අධිකාරියේ කලාප නිලධාරී ශානිකා ගම්ලත්, එස්-ලෝන් ආයතනයේ ප්රාදේශීය අලෙවි කළමණාකාර ජී.ඒ. ජයතුංග යන මහත්ම, මහත්මින් ගුරු භවතුන් හා සිසු දරුවන් පිරිසක් එක්වූහ.
