"ඊ අයිඩියාස් 2025" ජයග්රාහකයින් ඇගයේ
"ඊ අයිඩියාස් 2025" ජයග්රාහකයින් ඇගයේ
බලශක්ති සංරක්ෂණය සහ විකල්ප බල ශක්ති ප්රවර්ධනය භාවිතය පිළිබඳව ජනතාව අතර ප්රචලිත කිරීම උදෙසා පවත්වන ලද "ඊ අයිඩියාස් 2025" (e – ideas 2025) තරගාවලියේ ජයග්රාහකයින් ඇගයීම මධ්යම පළාත් ආණ්ඩුකාරවර මහාචාර්ය එස්.බී.එස්. අභයකෝන් මහතාගේ ප්රධානත්වයෙන් මහනුවර, දිස්ත්රික් ලේකම් කාර්යාලයීය ශ්රවනාගාරයේ දී (26) පැවැත්විණි.මධ්යම පළාත් මාර්ග සංවර්ධන, ප්රවාහන විදුලිබල හා බලශක්ති සහ නිවාස ඉදිකිරීම් අමාත්යාංශයේ මෙහෙයවීමෙන් මෙම වැඩසටහන සංවිධානය කර තිබිණි.මෙහිදි සිංහල දෙමළ ඉංග්රීසි මාධ්යයෙන් පවත්වන ලද රචනා, නාට්ය තරග සහ චිත්ර, කෙටි වීඩියෝ සහ නව නිර්මාණ තරග ජයග්රාහකයින් ඇගයීම සිදු කෙරිණි. අතර මීට සමගාමීව ජයග්රාහි නාට්ය නිර්මාණ වේදිකාගත කිරීම සහ චිත්ර නිර්මාණ ප්රදර්ශනයක් ද පැවැත්විණි.මෙම අවස්ථාව සඳහා මධ්යම පළාත් ප්රධාන ලේකම් අජිත් ප්රේමසිංහ, මධ්යම පළාත් ආණ්ඩුකාර ලේකම් මංජුලා මඩහපොල, ප්රධාන හා අධ්යාපන අමාත්යාංශයේ ලේකම් මධුපානී පියසේන, කර්මාන්ත අමාත්යාංශයේ ලේකම් චරිතා ඉලංගකෝන්, ප්රවාහන සහ මහාමාර්ග අමාත්යාංශයේ ලේකම් දිලීපා රූපානී පියදාස, මධ්යම පළාත් කෘෂිකර්ම අමාත්යංශය ලේකම් චන්දන වික්රමසූරිය, මධ්යම පළාත් සෞඛ්ය අමාත්යාපනයේ ලේකම් ජගත් අධිකාරි, පළාත් අධ්යාපන අධ්යක්ෂ නිහාල් අලහකෝන් යන මහත්ම මහත්මීන්, මධ්යම පළාත් මාර්ග සංවර්ධන, ප්රවාහන විදුලිබල හා බලශක්ති සහ නිවාස ඉදිකිරීම් අමාත්යාංශයේ නිලධාරින්, විදුහල්පතිවරු, ගුරුභවතුන්, සිසු දරුවන් පිරිසක් එක් වූහ.
