මධ්‍යම පළාත් රාජ්‍ය නිලධාරීන්ගේ පරිගණක හැකියාව වර්ධනය කිරීම වෙනුවෙන් පුහුණු වැඩසටහනක්. මධ්‍යම පළාත් රාජ්‍ය නිලධාරීන්ගේ පරිගණක හැකියාව වර්ධනය කිරීම වෙනුවෙන් සංවිධානය කරනු ලැබූ Microsoft office excel භාවිතය පිළිබදව පුහුණු වැඩසටහනක් අද දින (30) පල්ලෙකැලේ කළමනාකරණ සංවර්ධන පුහුණු ඒකක පරිගණකාගාරයේදී පැවැත්වින. මධ්‍යම පළාත් ප්‍රධාන ලේකම් ගාමිණි රාජරත්න මහතාගේ උපදෙස් මත නියෝජ්‍ය ප්‍රධාන ලේකම් (පිරිස් හා පුහුණු) චන්දන වික්‍රමසුරිය මහතාගේ අධීක්ෂණයෙන් නිලධාරීන්ගේ දැනුම හා කුසලතාවයන් ගොඩනංවමින් කාර්යක්ෂම ආයතන පද්ධතියක් ගොඩනැගීමේ අරමුණෙන් සංවිධානය වූ මෙම වැඩසටහන සදහා පළාත් රාජ්‍ය සේවයේ නිලධාරින් සහභාගී වූ අතර, වැඩසටහනේ සම්පත්දායකත්ව සංවර්ධන නිලධාරි අනුරාධ අබේසිංහ සහ සම්පත් රුවන් (සංවර්ධන නිලධාරි )යන මහත්වරුන් විසින් ලබාදෙනු ලබයි. මධ්‍යම පළාත් කළමනාකරණ සංවර්ධන පුහුණු ඒකකයේ අධ්‍යක්ෂිකා තිලිණි දෙහිගොල්ලේ මහත්මියගේ මෙහෙයවීමෙන් මෙම වැඩසටහන් සංවිධානය කෙරිණ.
