මධ්යම පළාත් ආණ්ඩුකාරවරයා සහ එක්සත් ජාතීන්ගේ සංවර්ධන වැඩසටහනේ මෙරට නේවාසික නියෝජිත අතර හමුවක්
මධ්යම පළාත් ආණ්ඩුකාරවරයා සහ එක්සත් ජාතීන්ගේ සංවර්ධන වැඩසටහනේ මෙරට නේවාසික නියෝජිත අතර හමුවක්
මධ්යම පළාත් ආණ්ඩුකාරවර මහාචාර්ය එස්.බී.එස්. අභයකෝන් මහතා සහ එක්සත් ජාතීන්ගේ සංවර්ධන වැඩසටහනේ (UNDP) මෙරට නේවාසික නියෝජිත අසූසා කුබෝටා (Azusa Kubota) මහත්මිය අතර හමුවක් මහනුවර ආණ්ඩුකාර කාර්යාලයේදී (12) දින පැවැත්විණි.මෙම හමුවේදී එක්සත් ජාතීන්ගේ සංවර්ධන වැඩසටහන විසින් මෙරට ක්රියාත්මක කරනු ලබන වැඩසටහන් සම්බන්ධයෙන් නියෝජිතවරිය විසින් දැනුවත් කරන ලදි. එමෙන්ම ආපදා තත්ත්වය යටතේ මධ්යම පළාතේ සහන වැඩපිලිවෙල සහ ජන ජීවිතය යථා තත්ත්වට පත්කිරීම, මාර්ග ඇතුළු යටිතල පහසුකම් සංවර්ධනය ඇතුළු කරුණු සම්බන්ධයෙන් අවධානය යොමු කෙරිණි.එමෙන්ම මධ්යම පළාතේ සංචාරක ක්ෂේත්රය සංවර්ධනය, තේ හා කෝපි වගා ව්යාප්තිය, අයෝජන අවස්ථා ඇතුළු කරුණු සම්බන්ධයෙන් දීර්ඝ වශයෙන් සාකච්ඡා කෙරිණි.මෙහිදි මෙම හමුව සංකේතවත් කරමින් එක්සත් ජාතීන්ගේ සංවර්ධන වැඩසටහනට අදාළ තොරතුරු ඇතුළත ග්රන්ථ කිහිපයක් ද ආණ්ඩුකාරවරයා වෙත පිරිනමන ලදි. එමෙන්ම සිහිවටන හුවමාරු කර ගැනීම ද සිදු විය.
මෙම අවස්ථාව සඳහා මධ්යම පළාත් ආණ්ඩුකාර ලේකම් මංජුලා මඩහපොල මහත්මිය ඇතුලු පිරිසක් එක් වූහ.
