පාසල් මාධ්‍ය සමාජ ප්‍රවර්ධන ජාතික වැඩසටහන
ඵලදායි හා මානව හිතවාදී පාසල් මාධ්‍ය සංස්කෘතියක් බිහි කිරීමේ පරමාර්ථය පෙරදැරිව,අධ්‍යාපන අමාත්‍යාංශයේ මූලිකත්වයෙන්,ජනමාධ්‍ය අමාත්‍යාංශයේ උපදෙස් පරිදි,රජයේ ප්‍රවෘත්ති දෙපාර්තමේන්තුව මෙහෙයවනු ලබන පාසල් මාධ්‍ය සමාජ ප්‍රවර්ධන ජාතික වැඩසටහනට සමගාමීව මධ්‍යම පළාත් පාසල් වල 2023 වර්ෂට ආදාල මාධ්‍ය සමාජ පිහිටුවීමේ වැඩසටහන යටතේ පළමු වැඩසටහන හඟුරන්කෙත අධ්‍යාපන කලාපයේ දෙණිකේ ද්විතීක පාසලේදී අද දින (16) පැවැත්විණ. මධ්‍යම පළාත් මාධ්‍ය ඒකකයේ, මාධ්‍ය නිලධාරී නිමල් චන්ද්‍රසිරි මහවත්ත මහතා මෙහි සම්පත් දායකත්වය දැක්වූ අතර ජනමාධ්‍යයේ යහපත් සහ අයහපත් බලපෑම මෙන්ම පාසල් මාධ්‍ය ඒකකයක් පිහිටුවීම හා එහි වැදගත්කම සම්බන්ධයෙන් ද මෙහි දී දේශනයක් පැවැත්වීය. මෙම අවස්ථාවට දෙණිකේ ද්විතීයික පාසලේ විදුහල්පති, සන්නිවේදනය හා මාධ්‍ය අධ්‍යයනය විෂය භාර ගුරුවරුන්, පාසලේ සිසු සිසුවියන් ඇතුළු පිරිසක් සහභාගි වූහ.
