කොවිඩ් වසංගත කාලය තුළදී මධ්‍යම පළාතේ එම වසංගතය ව්‍යාප්තිය පාලනය කිරීම වෙනුවෙන් එන්නත්කරණය ඇතුළු විවිධ කාර්යයන්හිදී පලාත් පාලන ආයතන විසින් සිදුකරනු ලැබූ කාර්යයභාරය වෙනුවෙන් ප්‍රසංසාව පළකිරීම හා ඇගයීම් සිදු කිරීම අද දින (05) මධ්‍යම පළාත් ආණ්ඩුකාරවර නීතිඥ ලලිත් යු ගමගේ මහතා විසින් කෙරින. මෙහිදී සහතිකපත් හා ඇගයීම් ලිපි අදාලා පළාත් පාලන ආයතනය වෙත ලබාදීම සිදු කරන ලද අතර මෙම වැඩසටහන මහනුවර ආණ්ඩුකාර ලේකම් කාර්යාල ශ්‍රවනාගාරයේදී පැවැත්විණ.
අඩු ආදායම් ලබන පලාත් පාලන ආයතන වුවත් කාලින අවශ්‍යතාවයන් වෙනුවෙන් නොපැකිලිව ජනතාව වෙනුවෙන් තම වගකීම ඉටු කිරීම පැසසුම් සහගත බවත් , එමගින් මුළු රටටම ආදර්ශයක් ලබාදෙමින් ජනතාව අපහසුතාවයට පත් නොකර වඩා විදිමත් ලෙස එන්නත්කරණ කටයුතු පළාතේ පවතින දිස්ත්‍රික් තුනෙහිම එකාබද්ධව සිදුකළ හැකි වූ බව මෙහිදී ආණ්ඩුකාරවරයා පැවසිය.
මෙම අවස්ථාවට මධ්‍යම පළාත් ප්‍රධාන ලේකම් ගාමිණි රාජරත්න, සෞබ්‍යය අමාත්‍යංශයේ ලේකම් සුජාතා විජේසිංහ , ආණ්ඩුකාර ලේකම් ඇන්ටන් තිලකරත්න යන මහතාම මහත්මීන් සහභාගී විය.
