කෙන්ගල්ල විදුහලේ ඉදිරිපිට අවධානම් සහිත මාර්ගය සකස් කිරීමට අවශ්‍ය වන පියවර ගැනීමට උපදෙස්.

පුවත්පත් වාර්තාවක් මගින් පෙන්වාදෙනු ලැබූ කෙන්ගල්ල විදුහලේ ඉදිරිපිට අවධානම් සහිත මාර්ගය සකස් කිරීමට අවශ්‍ය වන පියවර ගන්නා ලෙස මධ්‍යම පළාත් ආණ්ඩුකාරවර නීතිඥ ලලිත් යු. ගමගේ පළාත් මාර්ග සංවර්ධන අධිකාරියේ අධ්‍යක්ෂවරයා වෙත දැනුම් දේ.
කෙන්ගල්ල ජාතික පාසල හා කෙන්ගල්ල දෙමළ විද්‍යාල දෙකෙහි දරුවන් දිනපතා මෙම මාර්ගය පරිහරණය කරන අතර වර්ෂා සහිත අවස්ථාවල විශාල ජල පහරක් මෙම අනාරක්ෂිත බෝක්කුවට ගලා එයි. කෙන්ගල්ල විද්‍යාලයේ නියෝජ්‍ය විදුහල්පති සහ දෙමළ මහා විද්‍යාලයේ විදුහල්පතිවරයා මෙම අනාරක්ෂිත තත්ත්වය පිලිබඳ ආණ්ඩුකාරවරයා දැනුවත් කළ අතර ඒ මොහොතේම පළාත් අධ්‍යක්ෂවරයා දැනුවත් කරමින් කඩිනම් විසදුම් ලබාදෙන ලෙස දන්වනු ලැබිය.