47 වන ජාතික මහා ක්‍රීඩා උළෙලේ තෙවන අදියර ලෙස පැවැත් වෙන මධ්‍යම පළාත් ක්‍රීඩා උළෙලේ කරාතේ තරගාවලිය පසුගියදා දිගන පළාත් සභා ක්‍රීඩාංගනයේ ගෘහස්ත ක්‍රීඩාගාරයේදී පවත් වනු ලැබිය.
මධ්‍යම පළාත් නියෝජනය කරමින් ජාතික මහා ක්‍රීඩා උළෙලේ සදහා සුදුස්සන් තෝරාගැනීම වෙනුවෙන් සංවිධානය වූ මෙම තරගාවලිය මධ්‍යම පළාත් ක්‍රීඩා අධ්‍යක්ෂ මිහිරාන් බණ්ඩාර මහතාගේ මෙහෙයවීම හා අධීක්ෂණය මත පළාත් ක්‍රීඩා දෙපාර්තමේන්තුව විසින් සංවිධානය කරන ලද අතර , මෙම තරගාවලියේ සම්බන්ධිකරණ නිලධාරි ලෙස ක්‍රීඩා නිලධාරි ඒ.එස්.බි.රත්නායක මහතා කටයුතු කරන ලදී.
