ග්‍රාමාභිමානී 2024 අලෙවි සහ විලාසිතා දැක්ම මහනුවර සහස් උයනේදී මෙවරත්.
ග්‍රාමාභිමානී 2024 අලෙවි සහ විලාසිතා දැක්ම මහනුවර සහස් උයනේදී මෙවරත්.
ග්‍රාමීය ආර්ථිකය බලගැන්වීමේ සහ සුළු හා මධ්‍ය පරිමාණ ව්‍යවසායකයින් දිරිමත් කිරීමේ අරමුණින් මධ්‍යම පළාත් ග්‍රාම සංවර්ධන දෙපාර්තමේන්තුව විසින් සංවිධානය කළ අලෙවි පොළක් සහ සැමරුම් උලෙළක් (06) දින මහනුවර සහස් උයන පරිශ්‍රයේදී මධ්‍යම පලාත් ආණ්ඩුකාර මහාචාර්ය එස්.බී.එස්. අභයකෝන් මහතාගේ ප්‍රධානත්වයෙන් පැවැත්විණි.
ජීවනෝපාය සංවර්ධන ව්‍යාපෘති යටතේ සහ විවිධ කෙටිකාලීන පුහුණු වැඩසටහන් යටතේ පුහුණුව ලද කුඩා පරිමාණ ව්‍යවසායකයින්ගේ නිෂ්පාදන සහිත අලෙවි කුටි විශාල ප්‍රමාණයක් එම පරිශ්‍රය තුල දිනය පුරා පාරිභෝගිකයන් වෙනුවෙන් විවෘත්තව තැබුණු අතර ග්‍රාම සංවර්ධන දෙපාර්තමේන්තුව යටතේ ඇති කාන්තා සංවර්ධන මධ්‍යස්ථානවල පුහුණු ලාභීන්ගේ ඇදුම් නිර්මාණ ඇතුළත් විලාසිතා දැක්මක් සහ එම පුහුණුලාභීන් ඇගයීමක්ද සිදුකෙරිණි.
මධ්‍යම පළාත් ග්‍රාම සංවර්ධන සතිය නිමිත්තෙන් පැවති එම උලෙළ සදහා මහනුවර ඉන්දියානු සහකාර මහ කොමසාරිස් සරන්යා වී.එස්. මහත්මිය, මධ්‍යම පළාත් කර්මාන්ත අමාත්‍යාංශ ලේකම් චරිතා ඉලංගකෝන්, මහනුවර නාගරික කොමසාරිස් ඉන්දිකා අබේසිංහ, ග්‍රාම සංවර්ධන දෙපාර්තමේන්තු අධ්‍යක්ෂ උපේක්ෂා විජේසිංහ යන මහත්මීන් ඇතුළු අනෙකුත් දෙපාර්තමේන්තු ප්‍රධානීන්, ග්‍රාම සංවර්ධන නිලධාරීන්, ග්‍රාම සංවර්ධන සමිති හා ග්‍රාම සංවර්ධන ප්‍රාදේශීය බලමණ්ඩල සමාජිකයින් රැසක් ද සහභාගීව සිටියහ.
