උඩුවෙල මහා විද්‍යාලයටත් ජල පහසුකම් මහනුවර අධ්‍යාපන කලාපයේ උඩුවෙල මහා විද්‍යාලයට නළ ළිඳක් ඉදිකර ඉදිකර දී එම දරුවන්ට පැවති උග්‍ර ජල ගැටලුවට ස්ථිර විසඳුමක් ලබාදීම පසුගිය (26) දා සිදු කෙරිණි.මහනුවර දිස්ත්‍රික් ලේකම් ඉන්දික උඩවත්ත මහතාගේ මගපෙන්වීමෙන් සීමාසහිත මහනුවර සිංහල වෙළඳ බල මණ්ඩලය මගින් මේ සඳහා අනුහ්‍රය ලබා දී තිබිණි.මෙම අවස්ථාව සඳහා මහනුවර අතිරේක දිස්ත්‍රික් ලේකම් ලලිත් ඇටම්පාවල මහතා, මහනුවර කලාප අධ්‍යාපන අධ්‍යක්ෂ චමරි අන්දරගේ මහත්මිය ඇතුළු සීමාසහිත මහනුවර සිංහල වෙළඳ බල මණ්ඩලයේ නියෝජිතයින් ඇතුළු පිරිසක් එක් වූහ.

තලාතුඔය, බූටාවත්ත ශ්‍රී සරණංකර මහා විද්‍යාලයට ජල පහසුකම් දිගු කාලයක් උග්‍ර ජල ගැටලුවකට මුහුණ දුන් මහනුවර අධ්‍යාපන කලාපයේ බූටාවත්ත ශ්‍රී සරණංකර මහා විද්‍යාලයට, ඇමෙරිකාවේ 'Revive to Survive' සංවිධානයේ මුල්‍ය අනුග්‍රහයෙන් ඉදිකළ ජල පහසුකම් වැඩිදියුණු කිරීමේ ව්‍යාපෘතිය පසුගියදා (27) විවෘත කිරීම මධ්‍යම පළාත් ආණ්ඩුකාරවර සරත් අභයකෝන් මහතාගේ ප්‍රධානත්වයෙන් සිදුවිය. 'Revive to Survive' සංවිධානය, ඇමෙරිකාවේ පාසල් දරුවාන්ගේ විවිධ ව්‍යාපෘති හරහා එකරැස් කරන ලද මුදලින් ලෝකය පුරා රටවල පාසල් අධ්‍යාපන කටයුතු සදහා දායකත්වය සැපයන සංවිධානයකි. ඒ අනුව මෙම ව්‍යපෘති තුලින් තලාතුඔය, බූටාවත්ත ශ්‍රී සරණංකර මහා විද්‍යාලයට අඛණ්ඩ ජල පහසුකම් හිමිවනු ඇති.මෙම අවස්ථාවට මහනුවර කලාප අධ්‍යාපන අධ්‍යක්ෂ චමරි අන්දරගේ මහත්මිය, මහනුවර අධ්‍යාපන කලාපයේ සහකාර අධ්‍යක්ෂ (සංවර්ධන),විද්‍යාලයේ විදුහල්පති සුභානි රණතුංග මහත්මිය, ගුරුවරුන්, ඇමෙරිකාවේ 'Revive to Survive' සංවිධානයේ නියෝජිතයින්, පාසල් දරුවන් ඇතුළු පිරිසක් ඊට එක්ව සිටියහ.

සමස්ත ලංකා Gim For Life තරගාවලියේ අනුශූරතාවය දෙණිකේ ද්විතියික විදුහලට කොළඹ සුගතදාස ගෘහස්ථ ක්‍රීඩාංගණයේ පසුගියදා (07)පැවැති සමස්ත ලංකා Gim for life තරගාවලියෙන් හඟුරන්කෙත අධ්‍යාපන කලාපයේ දෙනිකේ ද්වීතියික විද්‍යාලය අනුශූරතාවය දිනා ගන්නා ලදි. ප්‍රවෘත්ති වාර්තාකරණය - A.A.D.R.P, අබේසිරිවර්ධන-දෙණිකේ ද්විතියික විද්‍යාලය

මාතලේ කලාපය පාසල් මාධ්‍ය සමාජය බලගැන්වේ පාසල් දරුවන්ගේ මාධ්‍ය සාක්ෂරතාව වැඩිදියුණු කිරීම තුළින් සත් මාධ්‍ය කලාවක් භාවිතයට දරුවන් හුරු කිරීම හා නූතන සමාජ, ආර්ථික හා දේශපාලන විචල්යන් අවබෝධ කොටගෙන නිවැරදිව සිය අනාගත අපේක්ෂාවන් දිශාගත කිරීමේ අවබෝධය ලබා දීමේ අරමුණින් දියත් කෙරෙන පාසල් මාධ්‍ය සමාජ බලගැන්වීමේ ව්‍යාපෘතියේ තවත් එක් වැඩසටහනක් මාතලේ සිරිමාවෝ බණ්ඩාරනායක ආදර්ශ විද්‍යාලයේ දී පසුගියදා (21) පැවැත්විණි. මෙම වැඩසටහන මධ්‍යම පළාත් මාධ්‍ය ඒකකයේ ජානක සම්පත් මහතාගේ හා සෙසු නිලධාරීන්ගේ සම්පත් දායකත්වයෙන් පැවැත්විණ. මෙහි දී පාසල් මාධ්‍ය සමාජය බලගැන්වීම, සක්‍රියව පවත්වාගෙන යාම ,මාධ්‍ය සාක්ෂරතාවයේ වැදගත්කම පිළිබඳ සිසුන් දැනුවත් කෙරිණි. ප්‍රවෘත්ති වාර්තාකරණය පිළිබඳ න්‍යායාත්මක මෙන් ම ප්‍රායෝගික ක්‍රියාකාරකම් වලින් ද මෙම වැඩසටහන සමන්විත විය.මාතලේ කලාප අධ්‍යාපන අධ්‍යක්ෂ ටී.එන්. නයෝමි හෙට්ටිආරච්චි මහත්මිය හා මාධ්‍ය විෂය සම්බන්ධීකාරක සහකාර අධ්‍යාපන පී. ප්‍රකාශ් මහතාගේ සහයෝගයෙන් සංවිධානය කෙරුණු මෙම වැඩසටහනට මාතලේ කලාපය නියෝජනය කරමින් සිරිමාවෝ බණ්ඩාරනායක ආදර්ශ විද්‍යාලය, පාක්‍යම් ජාතික පාසල , දන්කන්ද මහා විද්‍යාලය, ශ්‍රී සංඝමිත්තා බාලිකා ජාතික පාසල, ශාන්ත තෝමස් විද්‍යාලය හා ක්‍රිස්ට් චර්ච් විද්‍යාලය නියෝජනය කරමින් මාධ්‍ය සමාජය භාර ගුරු මහත්ම මහත්මීන්,සිසු සිසුවියන් ඇතුළු පිරිසක් සහභාගි වූහ.