පාතදුම්බර ප්‍රාදේශීය සභා බල ප්‍රදේශයේ පවතින මඩවල මදීනා ජාතික පාසල අසලින් දකුණු දෙසට ගමන් ගන්නා මාර්ගය රථවාහන යෑමට ප්‍රමාණවත් නොවන ලෙස පැවතීම හේතුවෙන් එම ප්‍රදේශයේ ජනතාවගේ එදිනෙදා කටයුතු සිදුකර ගැනීමට දැඩි අපහසුතාවයක් ව පැවතුනි.
පාතදුම්බර ගුන්නෑපාන මඩිගේ වසමේ ගම් වාසීන් විසින් සිදුකළ ඉල්ලීමකට අනුව මෙම තත්වයට විසදුම් ලබාදෙමින් ප්‍රාදේශීය සභාවේ සභාපති අසංක කිර්ති බණ්ඩාර මහතාගේ මගපෙන්වීමෙන් එම මාර්ගය පළල අඩි 8 ක් වනසේ සංවර්ධනය කිරීමේ කටයුතු ආරම්භ කරන ලදී. මෙම ව්‍යාපෘතිය සදහා ප්‍රාදේශීය සභා අරමුදලින් රු. 500000/= ක් ද, ගම්වැසියන් ගේ දායකත්වයෙන් කම්බි ලබාගැනීම ද සිදුකර ඉතාසාර්ථකව මාර්ගය සංවර්ධනය කර ඇත. පාතදුම්බර ප්‍රාදේශීය සභා මන්ත්‍රී (මඩවල) අබූ අෂ්රොෆ් මහතාගේ මුලිකත්වයෙන් මෙම කටයුතු සිදු කර ඇත.
