“බුද්ධ රශ්මි” ජාත්‍යන්තර වෙසක් දින සඟරාව එළි දැක්වේ.
“බුද්ධ රශ්මි” ජාත්‍යන්තර වෙසක් දින සඟරාව එළි දැක්වේ.
මහනුවර බෞද්ධ හා සංස්කෘතික සංවිධානය මගින් වාර්ෂිකව වාර්ෂිකව ප්‍රකාශයට පත් කරනු ලබන “බුද්ධ රශ්මි” ජාත්‍යන්තර වෙසක් දින සගරාවේ 2024 වර්ෂයේ කලාපය පසුගියදා මහා සංඝරත්නයේ ප්‍රධානත්වයෙන් හා මධ්‍යම පළාත් ආණ්ඩුකාරවර නීතිඥ ලලිත් යු ගමගේ මහතාගේ ප්‍රධානත්වයෙන් මහනුවර පිහිටි මධ්‍යම පළාත් ආණ්ඩුකාර කාර්යාලයීය ශ්‍රවණාගාරයේදී එළි දක්වනු ලැබිය.
‘බුද්ධ රශ්මි’ ජාත්‍යන්තර වෙසක් දින සඟරාව අඛණ්ඩව අටවන වරට ප්‍රකාශයට පත් කරනු ලැබූ අතර , මහනුවර බෞද්ධ හා සංස්කෘතික සංවිධානයේ සභාපති විමලසේන කළුගමගේ මහතාගේ ප්‍රධාන සංස්කරණයෙන් නිකුත් කරන මෙම සගරාව සිංහල හා ඉංග්‍රීසි යන දෙබසින් ම සමන්විත සාරගර්භ හා විචක්ෂණශීලී ලිපි රැසකින් සමන්විතය. මෙහිදී පාසල් හා මහජන පුස්තකාල වෙත සගරා ලබාදීම ද සිදු කෙරින.
අවස්ථාවට සංස්කෘතික දෙපාර්තමේන්තුවේ අධ්‍යක්ෂ ඉනෝදනී තඹවිට , බෞද්ධ කටයුතු සහකාර කොමසාරිස් (මහනුවර) අනුරුද්ධ හේම බණ්ඩාර , පේරාදෙණිය විශ්වවිද්‍යාලයේ හිටපු උප කුලපති උපුල් දිසානායක යන මහත්ම මහත්මීන් , විදුහල්පතිවරුන් , රාජ්‍ය නිලධාරින්, මහනුවර බෞද්ධ සංවිධාන හා වෙළද සංවිධාන නියෝජිතයින් , මහනුවර දිස්ත්‍රික්කයේ පළාත් පාලන මහජන පුස්තකාල පුස්තකාලාධිපතිවරුන් ඇතුළු පිරිසක් සහභාගී වුහ.
