
වලපනේ කලාපයේ පාසල් මාධ්ය සමාජය බලගැන්වේ.
වලපනේ කලාපයේ පාසල් මාධ්ය සමාජය බලගැන්වේ.
පාසල් දරුවන්ගේ මාධ්ය සාක්ෂරතාව වැඩිදියුණු කිරීම තුළින් සද් මාධ්ය කලාවක් භාවිතයට දරුවන් හුරු කිරීම හා නූතන සමාජ, ආර්ථික හා දේශපාලන විචල්යන් අවබෝධ කොටගෙන නිවැරදිව සිය අනාගත අපේක්ෂාවන් දිශාගත කිරීමේ අවබෝධය ලබා දීමේ අරමුණින් දියත් කෙරෙන පාසල් මාධ්ය ඒකක බලගැන්වීමේ ව්යාපෘතියේ එක් වැඩසටහනක් රාගල ටි.බ.මු. හේරත් විද්යාලයේ දී (12) වලපනේ ධම්මජෝති විද්යාලයේ සිසු සිසුවියන්ගේ ද සහභාගිත්වයෙන් පැවැත්විණි. මධ්යම පළාත් ප්රධාන හා අධ්යාපන අමාත්යාංශයේ ලේකම් මේනක හේරත් මහතාගේ උපදෙස් හා මඟපෙන්වීම යටතේ මෙම "පාසල් මාධ්ය සමාජ පිහිටුවීමේ හා බලගැන්වීමේ ව්යාපෘතිය" ක්රියාත්මක වේ. මෙහිදී මාධ්ය නිලධාරී නිමල් චන්ද්රසිරි මහවත්ත මහතා විසින් පාසල් මාධ්ය සමාජය බලගැන්වීම, ඒවා සක්රීයව පවත්වාගෙන යාම සදහා පාසල් සිසු සිසුවියන් දායකත්වය හා නිර්මාණාත්මක සන්නිවේදනය භාවිතය පිළිබඳ දේශනයක් පැවැත්වීය. මෙම වැඩසටහනට මාධ්ය සමාජය භාර ගුරු මහත්ම මහත්මීන්, සිසු සිසුවියන් හා පළාත් මාධ්ය ඒකකයේ නිලධාරීන් ඇතුළු පිරිසක් සහභාගි වූහ.