නිවැසි මියැසිය' නමින් නිවාස දෙපාර්තමේන්තුවෙන් නවමු වින්දනාත්මක අත්දැකීමක්.
නිවැසි මියැසිය' නමින් නිවාස දෙපාර්තමේන්තුවෙන් නවමු වින්දනාත්මක අත්දැකීමක්.
ඉසිඹුවකට මියැසි නඳක් ‘නිවැසි මියැසිය’ සජීවී සංගීතමය රස වින්දනාත්මක වැඩසටහන මහනුවර දිස්ත්‍රික් ලේකම් කාර්යාලයීය ශ්‍රවනාගාරයේදී (08) දින පැවැත්විණි.
මධ්‍යම පළාත් නිවාස දෙපාර්තමේන්තුවේ සුබසාධක සංගමය විසින් සංවිධානය කළ මෙම වැඩසටහන මධ්‍යම පළාත් ප්‍රධාන ලේකම් අජිත් ප්‍රේමසිංහ මහතාගේ ප්‍රධානත්වයෙන් පැවැත්විණි.
මෙහිදි රංගන ශිල්පී විරාජ් පෙරේරා ඇතුළු ශිල්පීන් සහ මධ්‍යම පළාත් නිවාස දෙපාර්තමේන්තුවේ ගායන හැකියා ඇති නිලධාරීන් විසින් ගීත ගායනා ඉදිරිපත් කළ අතර විශාරද දර්ශන බෝධිකොටුව මහතා විසින් සංගීතය මෙහෙයවීම යටතේ ක්‍රියෙන්සි සංගීත කණ්ඩායම වාදනයෙන් සහාය විය.
මෙම අවස්ථාව සඳහා මධ්‍යම පළාත් නිවාස දෙපාර්තමේන්තුවේ කොමසාරිස් කණිෂ්කා වඩුගොඩ මහත්මිය, හිටපු නිවාස කොමසාරිස්වරුන්, සුබසාධක සංගමයේ සමාජිකයින් ඇතුළු පිරිසක් එක් වූහ
