මහනුවර නගරයේ යාචක ගැටළුවට විසඳුම් ලබාදීමට සකච්ඡාවක්
මහනුවර නගරයේ යාචක ගැටළුවට විසඳුම් ලබාදීමට සකච්ඡාවක්
මහනුවර නගරයේ යාචක ගැටළුව සඳහා විසඳුම් ලබා දීම සම්බන්ධයෙන් සංවිධානය කළ විශේෂ සාකච්ඡාවක් මධ්යම පළාත් ආණ්ඩුකාරවර මහාචාර්ය එස්.බී.එස්.අභයකෝන් මහතාගේ ප්රධානත්වයෙන් ආණ්ඩුකාර කාර්යාලයීය ශ්රවනාගාරයේදී (18) දින පැවැත්විණි.මෙම සාකච්ඡාවේදී මහනුවර නගරයේ ඔරලෝසු කණුව බස් නැවතුම, ටොරින්ටන් උද්යානය ඇතුළු නගරයේ තැනින් තැන ස්ථානගතව සිටින යාචකයින් සම්බන්ධයෙන් අවධානය යොමු කෙරිණි.ඒ් අනුව එම ස්ථානවලින් යාචකයින් ඉවත් කිරීම, ඒ සඳහා යෙදිය යුතු පිලියම් සහ කෙටි කාලීන හා දර්ඝ කාලීන විසදුම් ලබා දී නගරයට පැමිණෙන ජනතාව සඳහා පහසුකම් සැළසීම සම්බන්ධයෙන් මෙහිදි සාකච්ඡා කෙරිණි.මෙම අවස්ථාවට මහනුවර නියෝජ්ය නගරාධිපති රුවන් ගලපිටිය, මධ්යම පළාත් ප්රධාන ලේකම් අජිත් ප්රේමසිංහ, ආණ්ඩුකාර ලේකම් මංජුලා මඩහපොල, ප්රධාන හා අධ්යාපන අමාත්යාංශ ලේකම් මධුපානි පියසේන, දිස්ත්රික් ලේකම් ඉන්දික උඩවත්ත, මධ්යම පළාත් සෞඛ්ය සේවා අධ්යක්ෂ ඒ.එල්. රණවීර, මධ්යම පළාත් පාලන කොමසාරිස් චමිලා අතපත්තු, මහනුවර අතිරේක දිස්ත්රික් ලේකම් ලලිත් ඇටම්පාවල, ආණ්ඩුකාර සහකාර ලේකම් වරුණ මියනදෙණිය, මහනුවර නාගරික කොමසාරිස් ඉන්දිකා කුමාරි අබේසිංහ, මහනුවර ජ්යෙෂ්ඨ පොලිස් අධිකාරි අඛිල කරුණාරත්න යන මහත්ම මහත්මින්, අතුලු පිරිසක් එක්වූහ.
