2023 වර්ෂයේ මධ්‍යම පළාතේ මුල් ළමාවිය සංවර්ධන ඒකකයේ කළමනාකරණ කමිටු රැස්වීමක්.
මධ්‍යම පළාත් ප්‍රධාන හා අධ්‍යාපන අමාත්‍යාංශය යටතේ ක්‍රියාත්මක මධ්‍යම පළාත් මුල් ළමාවිය සංවර්ධන ඒකකයේ 2023 (01) කළමනාකරණ කමිටු රැස්වීම පසුගිය (10) පෙරවරුවේ අමාත්‍යාංශ ලේකම් අජිත් ප්‍රේමසිංහ මහතාගේ ප්‍රධානත්වයෙන් අමාත්‍යාංශ රැස්වීම් ශාලාවේ දී පැවැත්විණි.
මෙහිදී පෙර කළමනාකරණ කමිටුවේ ප්‍රගතිය , පෙර වර්ෂයේ සංවර්ධන ප්‍රගතිය ආදී කරුණු සාකච්ඡා කරනු ලැබී ය. එසේම කමිටු පත්‍රිකා ගණනාවක් යටතේ වර්තමානයේ දී සපුරා ගත යුතු අවශ්‍යතා සම්බන්ධයෙන් ද කරුණු සාකච්ඡා කෙරිණි.
පළාත් මුල් ළමාවිය සංවර්ධන ඒකකයේ අධ්‍යක්ෂ ටී.කේ. ගුණතිලක මහතාගේ කරුණු දැක්වීම් හා පැහැදිලි කිරීම් ද සහිත ව පැවති මෙම රැස්වීමට පළාත් අධ්‍යාපන අධ්‍යක්ෂ අමරසිරි පියදාස, පළාත් සෞඛ්‍ය සේවා අධ්‍යක්ෂ විශේෂඥ වෛද්‍ය නිහාල් වීරසූරිය, පළාත් පරිවාස හා සමාජ සුබසාධන දෙපාර්තමේන්තුවේ කොමසාරිස් සී.කේ.ගුණරත්න, පොලිස් අධිකාරී ජානකී සෙනෙවිරත්න, වැවිලි මානව සංවර්ධන භාරයේ ව්‍යාපෘති නිලධාරී එච්.කේ.වික්‍රමසිංහ, මූලස්ථාන ප්‍රජා සංවර්ධන නිලධාරී ධම්මික හේරත් යන මහත්ම මහත්මීහු සහභාගී වූහ.
