පිළිසරණක් ඇවැසි ඔවුනට සරණක්.
පිළිසරණක් ඇවැසි ඔවුනට සරණක් වෙමින් ජ්‍යෙෂ්ඨ පුරවැසියන්ගේ කායික සෞඛ්‍යය හා මානසික සුවතාව ප්‍රවර්ධනය උදෙසා මධ්‍යම පළාත් සංස්කෘතික කටයුතු දෙපාර්තමේන්තුව විසින් දොළුව, පිහිඹිහේන වැඩිහිටි නිවාසය කේන්ද්‍රකරගනිමින් විශේෂ වැඩසටහනක් පසුගිය දා පැවැත්විණ.එම වැඩසටහන විශේෂාංග තුනකින් සමන්විත වූ අතර පිරිත් දේශනමය පිංකමක් පවත්වමින් එම වැඩිහිටියන්ට ආගමික ආශිර්වාදය ලබාදෙමින්, අක්ෂි සායනයක් හා ආවර්ජනා ගී මියැසිය ප්‍රසාංගික අත්දැකීම වැඩසටහන ද ඊට සමගාමීව පැවැත්විණ.
එම වැඩසටහන සඳහා දොළුව ප්‍රාදේශීය ලේකම් කාර්යාලය සුවිශේෂී දායකත්වයක් ලබා දී තිබුණු අතර එම වැඩසටහන සඳහා මධ්‍යම පළාත් සංස්කෘතික කටයුතු අධ්‍යක්ෂ අයෝමි දුල්වල මහත්මිය හා දොළුව ප්‍රාදේශීය ලේකම් යමුනා දයාරත්න මහත්මිය ඇතුළු සංස්කෘතික කටයුතු දෙපාර්තමේන්තුවේ හා දොළුව ලේකම් කාර්යාලයේ නිලධාරීන් පිරිසක් ඊට සහභාගි විය.
