සංවර්ධන නිලධාරීන්ගේ හා කළමනාකරණ සේවයේ නිලධාරීන්ගේ පරිගණක සාක්ෂරතාව වැඩිදියුණු කිරීම සඳහා Microsoft word භාවිතය පිළිබඳ පුහුණු වැඩසටහනක්
මධ්‍යම පළාත් රාජ්‍ය නිලධාරීන්ගේ දැනුම කුසලතා ආකල්ප වර්ධනය කිරීම තුළින් මධ්‍යම පළාත තුළ ජනතා හිතවාදී විශිෂ්ට රාජ්‍ය සේවයක් සඳහා කැපවුණු තෘප්තිමත් මානව සම්පතක් බිහි කිරීමේ අරමුණින් සංවර්ධන නිලධාරීන්ගේ හා කළමනාකරණ සේවයේ නිලධාරීන්ගේ පරිගණක සාක්ෂරතාව වැඩිදියුණු කිරීම සඳහා Microsoft word භාවිතය පිළිබඳ පුහුණු වැඩසටහනක් මධ්‍යම පළාත් කළමනාකරණ සංවර්ධන පුහුණු ඒකකයේදී පසුගියදා (13) පැවැත්විණි. පළාත් පාලන සහකාර කොමසාරිස් කාර්යාලයේ සේවයේ නියුතු එස්.එම්.එස්.බණ්ඩාර මහතා මෙහි සම්පත් දායකත්වය දැරිය. නියෝජ්‍ය ප්‍රධාන ලේකම් (පිරිස් පුහුණු ) චන්දන වික්‍රමසූරිය මහතාගේ මගපෙන්වීම සහ මෙහෙයවීම මත කළමනාකරණ සංවර්ධන පුහුණු ඒකකයේ අධ්‍යක්ෂ ටී.පී. දෙහිගොල්ලේ මහත්මියගේ උපදේශකත්වය මත මෙම පුහුණු වැඩසටහන ක්‍රියාත්මක කෙරිණි.
