ලෝක සංචාරක දින සැමරුම.
ලෝක සංචාරක දින සැමරුමට සමගාමීව "හරිත සංචාරක පසුබිමක් නිර්මාණය කිරීම" තේමාව කොට ගත් මධ්‍යම පළාත් කර්මාන්ත හා සංචාරක දෙපාර්තමේන්තුව මගින් සංවිධානය කරනු ලබන ලෝක සංචාරක දින ප්‍රදර්ශනය සහ අලෙවි පොළ මධ්‍යම පළාත් අණ්ඩුකාර ලලිත්. යූ ගමගේ මහතාගේ ප්‍රධානත්වයෙන් මහනුවර සහස් උයන පරිශ්‍රයේ වීවෘත කෙරෙණි .හරිත ආයෝජනය, ගෝලීය ආරක්ෂාව , ව්‍යාවසායකත්ව සංවර් ධන , සංචාරක අධ්‍යාපනය යන අංශ ඔස්සේ මෙම ප්‍රදර්ශනයේ වෙළද කුටි සංවිධනය වී ඇති අතර සංචාරක කේෂ්ත්‍රය ට සම්බන්ධ විවිධ සංවිධාන හා සංගම් රාශියක් සහ රාජ්‍ය හා රාජ්‍ය නොවන සංවිධාන වල දායකත්වය මෙම ප්‍රදර් ශනයට එක්වී ඇත. සංචාරක දින උළෙලේ දී මධ්‍යම පළාතේ සංචාරක ස්ථාන ප්‍රවර්ධනය සදහා සමාජ මාධ්‍ය ජාලා භාවිතයෙන් විශේෂී සහයක් ලබාදෙමින් මෙහෙවරක නිරත සංචාරක යූටිබ් නාලිකා ක්‍රියාකාරීන් තිදෙනකු ඇගැයීමද සිදුවිය.මෙම අවස්ථාවට ඉන්දියානු මහකොමසාරිස් එස්. අකීරා මහත්මිය විශේෂ ආරාධිතයෙක් ලෙස සහභාගිවූ අතර , මධ්‍යම පළාත් ප්‍රධාන ලේකම් අජිත් ප්‍රේමසිංහ, ආණ්ඩුකාර ලේකම් මංජුලා මඩහපොල, මහනුවර මහා දිසාපති චන්දන තෙන්නකෝන් යන මහත්ම මහත්මින් සහ අමාත්‍යාංශ ලේකම්වරුන් , අධ්‍යක්ෂවරුන් ඇතුළු රාජ්‍ය නිළධාරීන් පිරිසක් ආරම්භක අවස්ථාවට සහභාගී විය.මධ්‍යම පළාතේ පවතින සංචාරක විභාවතාවයන් නිසි ලෙස හදුනා ගෙන ඒ තුලින් පළාතේ සහ ජාතික ආර් ථිකයට ඉහල දායකත්වයක් ලබා දීමේ අරමුණින් ඒ ඒ කොට්ඨාශ ආශ්‍රිතව පවතින සංචාරක ස්ථානයක් සංවර්ධනය කොට ප්‍රවර්ධනය කිරීමේ පියවරක ලෙස පන්විල ප්‍රාදේශීය ලේකම් කොට්ඨාශයේ විශේෂ ව්‍යාපෘතියක් ක්‍රියාවට නංවයි . එහි එක් පියවරක් ලෙස "පන්විල සංචාරක වෙබ් අඩවිය" පසුගිය 27 මධ්‍යම පළාත් ආණ්ඩුකාර ලලිත් යු ගමගේ මහතාගේ ප්‍රධානත්වයෙන් මහනුවර සහස් උයන පරිශ්‍රයේදී උඩුගත කරනු ලැබීය.මහනුවර දිස්ත්‍රික් ලේකම් චන්දන තෙන්නකෝන් මහතාගේ මෙහෙයවීමෙන් පන්විල ප්‍රාදේශීය ලේකම් නෙරංජන් සේනාධීර මහතා ගේ මුලිකත්වයෙන් ප්‍රදේශයේ සියලු රාජ්‍ය සහ රාජ්‍ය නොවන සංවිධාන සහ පාරිසරික සංවිධාන වල සහයෝගය ලබා ගනිමින් දෙස් විදෙස් සංචාරකයන් ට පන්විල සංචාරක කලාපය පිළිබද බොහෝ තොරතුරු මෙම වෙබ් අඩවියට පිවිසීමෙන් දැන ගැනීමට හැකියාව ලැබේ.
