මාතලේ සංචාරක හෝටල් කළමනාකරණ පුහුණුව අවසන් කළ වෘත්තිකයන් වෙත සහතික පත් පිරිනැමේ.
මාතලේ සංචාරක හෝටල් කළමනාකරණ පුහුණුව අවසන් කළ වෘත්තිකයන් වෙත සහතික පත් පිරිනැමේ.
මධ්‍යම පළාත් කලාපීය ආර්ථික සංවර්ධන අයතනය මගින් පාලනය වන මාතලේ හෝටල් පාසැල මගින් වසරකට වරක් දේශීය හා විදේශීය හෝටල් රැකියා ක්ෂේත්‍රය වෙත තරුණ වෘත්තිකයන් විශාල ප්‍රමාණයක් යොමු කෙරේ.එසේ පුහුණුව අවසන් කළ පුහුණු තරුණ තරුණියන් 190 කට වැඩි ප්‍රමාණයක් වෙත සහතිකපත් ප්‍රධානය කිරීමේ උත්සවයක් මධ්‍යම පළාත් ආණ්ඩුකාර නීතීඥ ලලිත් යූ. ගමගේ මහතාගේ ප්‍රධානත්වයෙන් මාතලේ හෝටල් පාසල් ශ්‍රවණාගාරයේදී පැවැත්විණ.2009 වර්ෂයේ දී පුහුණුව 20 දෙනෙකුගෙන් ආරම්භ කළ මෙම හෝටෙල් පාසැල මගින් වර්තමානය වන විට 150 කට වැඩි ප්‍රමාණයක් හොටෙල් ක්ෂේත්‍රය වෙත වාර්ෂිකව යොමු කරනු ලබයි. මෙම අවස්ථාව සඳහා මධ්‍යම පළාත් ප්‍රධාන ලේකම් අජිත් ප්‍රේමසිංහ, ආණ්ඩුකාර ලේකම් මංජුලා මඩහපොල , මාතලේ දිස්ත්‍රික් ලේකම් තේජානි තිලකරත්න, අමාත්‍යාංශ ලේකම්වරුන්, කලාපිය ආර්ථික සංවර්ධන ආයතනය අධ්‍යක්ෂ ජේ. වී.බි සකලසූරිය, රාජ්‍ය නිලධාරීන්, පුහුණු ලාභින් ඇතුළු පිරිසක් මෙම අවස්ථාවට සහභාගී වුහ.
