ශ්‍රී ලංකාවේ ඊජිප්තු තානාපතිවරයා සහ මධ්‍යම පළාත් ආණ්ඩුකාරවරයා අතර සුහද හමුවක් .
ශ්‍රී ලංකාවේ ඊජිප්තු තානාපතිවරයා සහ මධ්‍යම පළාත් ආණ්ඩුකාරවරයා අතර සුහද හමුවක් .
ශ්‍රී ලංකාවේ ඊජිප්තු තානාපති මැජිඩ් මොස්ලේ මහතා (Maged Mosleh) සහ මධ්‍යම පළාත් ආණ්ඩුකාර නීතීඥ ලලිත් යු ගමගේ මහතා අතර සුහද හමුවක් පසුගියදා (10) මහනුවර පිහිටි ආණ්ඩුකාර කාර්යාලයේදී සිදුවිය.
මෙහිදී තානාපතිවරයා සහ ආණ්ඩුකාරවරයා අතර දෙරටට වැදගත් වන කරුණු රැසක් සම්බන්ධයෙන් කරුණු සාකච්ඡා වු අතර, ඊජිප්තු රජයේ සහාය යටතේ ශ්‍රී ලංකා ව්‍යවසායකයින් ශක්තිමත් කිරීමේ ඉදිරි වැඩසටහන් සම්බන්ධයෙන් මෙහිදී අවධානය යොමු විය.
මෙම සාකච්ඡාවෙන් අනතුරුව දෙරටේ මිත්‍රත්වය සංකේතවත් කරමින් සමරු තිළිණ හුවමාරුවක් ද සිදු වු අතර, ආණ්ඩුකාරවරයා සහ තානාපතිවරයා මහනුවර ඔරාබි භාෂා සංස්කෘතික මධ්‍යස්ථානයේ නිරීක්ෂණ චාරිකාවක ද නිරත වූ අතර එය සංකේතවත් කරමින් රුක් රෝපණයක් ද සිදු කරන ලදී.
මෙම සුහද හමුව සදහා පළාත් ආණ්ඩුකාර ලේකම් මංජුලා මඩහපොල , පළාත් සංචාරක අධ්‍යක්ෂ මිහිරාන් බණ්ඩාර යන මහත්ම මහත්මීන් ද සහභාගී විය.
