ශ්‍රී ලංකා ජාතික ඉදිකිරීම් සංගමයේ මධ්‍යම පළාත් ශාඛාවේ 31 වන වාර්ෂික සමුළුව.
ශ්‍රී ලංකා ජාතික ඉදිකිරීම් සංගමයේ මධ්‍යම පළාත් ශාඛාවේ 31 වන වාර්ෂික සමුළුව.
ශ්‍රී ලංකා ජාතික ඉදිකිරීම් සංගමයේ මධ්‍යම පළාත් ශාඛාවේ 31 වන වාර්ෂික මහා සමුළුව පසුගියදා මධ්‍යම පළාත් ගරු ආණ්ඩුකාරවර නීතිඥ ලලිත් යූ ගමගේ මහතගේ ප්‍රධානත්වයෙන් මහනුවර ග්‍රෑන්ඩ් කැන්ඩියන් හෝටල් පරිශ්‍රයේදී පැවැත්විණ. මෙහිදී ශ්‍රී ලංකා ජාතික ඉදිකිරීම් සංගමයේ මධ්‍යම පළාත් ශාඛාවේ සුභසාධක අරමුදලේ සාමාජික සාමාජිකාවන්ගේ දූ දරුවන් වෙනුවෙන් වාර්ෂික ශිෂ්‍යත්ව ප්‍රදානයක් ද සිදුකෙරිණි. එසේම 2022 හා 2023 වර්ෂයන්හි ගුණාත්මක භාවයෙන් යුතු වාරිමාර්ග, මාර්ග හා ගොඩනැගිලි ඉදිකිරීම් අංශයන් වෙනුවෙන් සම්මාන පිරිනැමීමක් ද සිදු කෙරිණි.
මෙහිදී වැඩිදුරටත් අදහස් දැක්වූ ගමගේ මහතා රටේ සංවර්ධනය වෙනුවෙන් ඉදිකිරීම අංශයේ දායකත්වය හා වැදගත්කම පිළිබඳව ඇගයීමට ලක් කළේය. රටේ සංවර්ධනය වෙනුවෙන් මෙම ක්ෂේත්‍රයේ නියැලෙන්නන්ගේ කැපවීම ඉතා වැදගත් සාධකයක් බවද අවධාරණය කළේය.
මෙම අවස්ථාවට
මධ්‍යම පළාත් ප්‍රධාන ලේකම් අජිත් ප්‍රේමසිංහ මහතා, ජාතික ඉදිකිරීම් සංගමයේ සභාපති ඩැරින්ටන් පෝල් මහතා ,මධ්‍යම පළාත් ශාඛාවේ සභාපති එම්.ඩබ්.ඩී.වලිසුන්දර මහතා ,පේරාදෙණිය විශ්ව විද්‍යාලයේ මහාචාර්ය රංජිත් දිසානායක මහතා හා මධ්‍යම පළාත් ඉදිකිරීම් සංගමයේ සාමාජික සාමාජිකාවන් ඇතුළු පිරිසක් මෙම අවස්ථාවට සහභාගී වූහ.
