තරගකාරී අධ්‍යාපන රටාව තුළ ගුණ දහම් පිරි සමාජය වියැකිලා - මධ්‍යම ආණ්ඩුකාරවර.
තරගකාරී අධ්‍යාපන රටාව තුළ ගුණ දහම් පිරි සමාජය වියැකිලා - මධ්‍යම ආණ්ඩුකාරවර.
අද අපේ රටේ පවතින අධ්‍යාපන ක්‍රමයේ වරදක් අපි දකිනවා. තරගකාරී අධ්‍යාපන රටාව තුළ ගුණ දහම් පිරි සමාජය වියැකිලා. අධ්‍යාපනයෙන් යහපත් දරුවකු සමාජගත වූවා නම් අද මේ විදිහට රට මුහුණදෙන අභියෝග හමුවේ රට හැර යන පිරිසක් බිහිවෙන්නේ නෑ. මේ තත්ත්වය වෙනස් කළ යුතු කාලය එළඹිලා. අද අපට ඉන්නේ තමන්ගේම පන්තියේ දරුවන්ට ටියුෂන් දෙන ගුරුවරුන් .මේ තත්ත්වය වෙනස් කරන්න මධ්‍යම පළාත තුළ නව අණ පනත් නීති රීති ක්‍රියාත්මක කරන්න කටයුතු කළා. එවැනි පිරිස් පනස් දෙදෙනෙකු හට මේ වන විට ස්ථාන මාරුවීම් ලබාදී තිබෙනවා. දුෂ්කරතා අඩු පාඩු මධ්‍යයේ දරුවන් හට නිසිමග පෙන්වීම් ලබාදී ජයග්‍රහණ වෙත දරු පරපුර යොමු කිරීම අති විශිෂ්ට කාර්යයක්, ගුරු සේවයේ සැබෑ අර්ථවත් බවයි ඉන් ඔප්නැන්වෙන්නේ යැයි මධ්‍යම පළාත් ආණ්ඩුකාරවර නීතිඥ ලලිත් යු ගමගේ මහතා පවසයි.
ඒ මහතා මෙලෙස පැවසූයේ වත්තේගම අධ්‍යාපන කලාපයේ හුළුගඟ මුස්ලිම් විද්‍යාලයේ 10 දින පැවැති වාර්ෂික ත්‍යාග ප්‍රධානෝත්සවයේ ප්‍රධාන ආරාධිතයා ලෙස එක්වෙමිනි.
මෙහිදී පාසලේ ප්‍රාථමික හා ද්වීතීක අංශ වල විවිධ අංශයන්ගෙන් දක්ෂතා දැක්වූ දරු දැරියන් ඇගයීමට ලක් කළ අතර ශිෂ්‍යත්ව විභාගය සමත් දරුවන් හා අ.පො.ස. සාමාන්‍ය පෙළ විභාගය සමත් දරුවන් විශිෂ්ට ඇගයීමකට ලක් කරමින් සහතික හා පදක්කම් ලබාදීම සිදු කරන ලදී.
1961 වර්ෂයේ ආරම්භ කරන ලද මෙම පාසල අඩු පහසුකම් මධ්‍යයේ වුවද අධ්‍ යාපනයේ සාධනය වෙනුවෙන් කැපවීමෙන් ඉටුකළ සේවාවන් විශිෂ්ට ඇගයීමට ලක් කරමින් ඒ සඳහා දායකත්වය ලබා දෙන ගුරුවරුන් ඇගයීම ද මෙහිදී සිදු කෙරින.
විද්‍යාලයේ විදුහල්පති ඒ. එෆ්. එම්. රිස්වාන් මහතාගේ උපදෙස් මත සංවිධානය වූ මෙම අවස්ථාව සඳහා හිටපු මධ්‍යම පළාත් සභා මන්ත්‍රී මුතාලිෆ් හාජියාර්, වත්තේගම කලාප අධ්‍යාපන අධ්‍යක්ෂ තරංගා ගුණරත්න, නි�යෝජ්‍ය අධ්‍යාපන අධ්‍යක්ෂ හාසිම් මවුලවි, පන්විල කොට්ඨාශය අධ්‍යාපන අධ්‍යක්ෂ සරත් වීරසිංහ යන මහත්ම මහත්මීන් ඇතුළු පිරිසක් සහභාගී විය.
