එංගලන්තයේ ඈන් කුමරිය ශ්‍රී දළදා මාළිගාව වැදපුදා ගනී.
එංගලන්තයේ ඈන් කුමරිය ශ්‍රී දළදා මාළිගාව වැදපුදා ගනී.
ශ්‍රී ලංකාව සහ එක්සත් රාජධානිය අතර රාජ්‍ය තාන්ත්‍රික සම්බන්ධතාවලට වසර 75ක් සපිරීම නිමිත්තෙන් පැවැත්වෙන උත්සව කිහිපයකට සහභාගී වීම මෙරට පැමිණි තෙවැනි චාල්ස් රජුගේ නැගණිය වන බ්‍රිතාන්‍ය රාජකීය ඈන් කුමරිය (Her Royal Highness Princess Anne, the Princess Royal) සහ ඇයගේ සැමියා වන වයිස් අද්මිරාල් ශ්‍රීමත් තිමොති ලෝරන්ස් මැතිතුමා මහනුවර ඓතිහාසික ශ්‍රී දළදා මාලිගාව වැද පුදාගැනීම සදහා පසුගිය (11) දින මහනුවරට පැමිණියෙය.
මධ්‍යම පළාත් ආණ්ඩුකාර ලලිත් යු ගමගේ මහතා ඇතුළු පිරිස විසින් මහනුවර පොලිස් ක්‍රීඩාංගනයේදී ඈන් කුමරිය ඇතුළු දුත පිරිස පිළිගැනිම සිදු වූ අතර ශ්‍රී දළදා මාලිගාවේ වැඩ බලන දියවඩන නිලමේ මහින්ද දැල මහතා විසින් ශ්‍රී දළදා මාලිගාවේදී ඔවුන් පිළිගනිම සිදු කරන ලදී.
ඉන් අනතුරුව ඈන් කුමරිය ඇතුලු පිරිස දළදා සමිඳුන් වැඳපුදා ගැනීමෙන් පසු, ශ්‍රී දළදා මාලිගා සංචාරය සනිටුහන් කරමින් විශේෂ අමුත්තන්ගේ සමරු පොතෙහි සටහනක් ද තැබීය.
