ජාත්‍යන්තර සංචාරක දිනයට සමගාමීව මධ්‍යම පළාත් තුළ සංචාරක ආකර්ෂණය ප්‍රවර්ධනය කිරීමේ තවත් ව්‍යාපෘතියක්.
ජාත්‍යන්තර සංචාරක දිනයට සමගාමීව මධ්‍යම පළාත් තුළ සංචාරක ආකර්ෂණය ප්‍රවර්ධනය කිරීමේ තවත් එක් ව්‍යාපෘතියක් ලෙස සීගිරි හා නකල්ස් කලාපය , උඩුදුම්බර කලාපය ආශ්‍රිතව සංචාරක මාර්ගෝපදේශකයින් , සෆාරි රියදුරන්, කදු තරණය කරන්නන් හා සංචාරක සේවා සපයන්නන් යන පුහුණු කණ්ඩායම සඳහා බලපත්‍ර හා සහතිකපත් ලබා දීමේ සංචාරක දින සැමරුම් උත්සවය මධ්‍යම පළාත් ආණ්ඩුකාර ලලිත් යු.ගමගේ මහතාගේ ප්‍රධානත්වයෙන් පසුගියදා (27) මහනුවර ගැටඹේ okray hotel පරිශ්‍රයේදී පැවැත්විණ.මෙම ව්‍යාපෘතිය ක්‍රියාත්මක කිරීම රේඩා ආයතනය විසින් සිදු කරනු ලබන අතර ඒ යුරෝපා සංගමය විසින් රුපියල් මිලියන 17. 7ක මුදලක් වැය කරනු ලබයි.සීගිරිය හා නකල්ස් කලාපය ආශිත සංචාරක මාර්ගෝපදේශකයින් සඳහා දින දහහතරක් , සපාරි ජිප් රියදුරන් සඳහා දින පහක්, සංචාරක සේවා මඟ සේවා සපයන්නන් සඳහා දින පහක් , කඳු නගින්නන් සදහා දින පහක් වශයෙන් පැවති මෙම වැඩමුළු සඳහා සහභාගි වූ පිරිස 350ක් පමණ වේ. මේ සඳහා සම්පත් දායකත්වය ලබාදෙනු ලබන්නේ සබරගමු විශ්ව විද්‍යාලයේ මහාචාර්ය අස්ලාම් මහතා ඇතුළු විසි පස් දෙනෙකුගෙන් යුතු සම්පත්දායක මඩුල්ලක් විසිනි.රටවල් හා සංස්කෘතියෙන් ලෙස වර්ග නොකොට සංචාරකයා සුවිශේෂී පුද්ගලයකු ලෙස ගෙන පළාතේ ඇති සංචාරක ස්ථාන ආකර්ෂණය කොට ප්‍රවර්ධනය කළ යුතු බවත්, අලුත් සංචාරක අවස්ථා ස්ථාන හඳුනාගැනීමත් මහනුවර නගරයට පැමිණෙන සංචාරකයන් රදවා ගැනීම සඳහා අත්දැකීම් සහිත සංචාරක ස්ථාන ඇති කිරීම හා මග පෙන්වීම මෙම පුහුණු කළ කණ්ඩායම සුදු සිදුකළ යුතු බවත් , අදහස් දක්වමින් පළාත් අණ්ඩුකාර වරයා ප්‍රකාශ කර සිටියේය.මෙහිදී පුහුණු කණ්ඩායම සඳහා සහභාගි වීමේ නිල ආරක්ෂක කබා ලබාදීම මෙන්ම, සංස්කෘතික දෙපාර්තමේන්තුවේ නර්තන විශේෂාංග වලින් වලින් ද උත්සවය වර්ණවත් විය.මෙම අවස්ථාව සඳහා ඉන්දියානු මහ කොමසාරිස් කාර්යාලයේ දෙවන ලේකම් පී සෝමරත්න, ආණ්ඩුකාර ලේකම් මංජුලා මඩහපොල, අමාත්‍යාංශ ලේකම්වරුන් රේඩා ආයතනය සභාපති නීතිඥ ජනක සකලසූරිය, ප්‍රාදේශීය ලේකම්වරුන් ඇතුළු රාජ්‍ය හා රාජ්‍ය නොවන නිධානය පිරිසක් මෙම අවස්ථාවට සහභාගී විය.
