දෙමළ භාෂා පාඨමාලාවේ පැය 150 පාඨමාලාව ආරම්භ කෙරේ.
මධ්‍යම පළාත් කළමනාකරණ සංවර්ධන පුහුණු ඒකකය මගින් රාජ්‍ය නිලධාරින් වෙනුවෙන් ක්‍රියාත්මක කරනු ලබන දෙමළ භාෂා පාඨමාලාවේ පැය 150 පාඨමාලාව ලෙස ඉකුත්දා (11) පල්ලෙකැලේ පිහිටි මධ්‍යම පළාත් කළමනාකරණ සංවර්ධන පුහුණු ඒකකයේදී ආරම්භ කරන ලදී.
රාජ්‍ය පරිපාලන චක්‍රලේඛ 18/2020 අනුව රාජ්‍ය නිලධාරින් විසින් සපුරාගත යුතු මෙම පාඨමාලාවේ සම්පත්දායකත්වය ප්‍රවීන භාෂා උපදේශිකා එස්.සුභද්‍රදේවි මහත්මිය විසින් ලබාදෙනු ලැබේ.
මධ්‍යම පළාත් ප්‍රධාන ලේකම් කාර්යාලයේ නියෝජ්‍ය ප්‍රධාන ලේකම් (පිරිස් හා පුහුණු ) චන්දන වික්‍රමසුරිය මහතාගේ උපදෙස් හා මගපෙන්වීම යටතේ කළමනාකරණ සංවර්ධන පුහුණු ඒකකයේ අධ්‍යක්ෂ තිලිණි දෙහිගොල්ලේ මහත්මියගේ අධීක්ෂණය යටතේ මෙම වැඩසටහන සංවිධානය කොට පැවතුනි.
