“සුරකිමු මාවත්” වැඩසටහන - පාතදුම්බරින්.
පාතදුම්බර ප්‍රාදේශීය සභාවේ සභාපති අසංක කිර්ති බණ්ඩාර මහතාගේ හා කාර්මික සේවා කමිටු සභාපති උදය සම්පත් බණ්ඩාර මහතාගේ අදහසක් මත නවමු ව්‍යාපෘතියක් ලෙස පාතදුම්බර බල ප්‍රදේශයේ ක්‍රියාත්මක කෙරෙන "සුරකිමු මාවත්" ව්‍යාපෘතිය යටතේ මඩවල බංගලාගෙදර මාර්ගය සුද්ද පවිත්‍ර කර මාර්ගයේ පවතින සියලු ගැටලු නිරාකරණය කිරීමේ කටයුතු ඉකුත්දා සිදු කරන ලදී.
මෙම ව්‍යාපෘතිය මගින් මාර්ගයේ පවිත්‍රතාවයන් සිදු කිරීම ,කානු පද්ධතිය නවීකරණය , සුළු අලුත්වැඩියාවන් හා අක්‍රිය විදි ලාම්පු අලුත්වැඩියාව ඇතුළු කටයුතු සිදුකෙරෙන අතර බල ප්‍රදේශයේ පවතින කොට්ඨාශ 18 පදනම් කර ගනිමින් මෙම ව්‍යාපෘතිය ක්‍රියාත්මක කෙරේ.
