තරුණ සංවර්ධනය හා ක්‍රීඩාවේ ප්‍රගමනය වෙනුවෙන් ඒකාබද්ධ ප්‍රවේශයක් පිළිබදව දැනුවත් කිරීමේ මධ්‍යම පළාත් වැඩසටහනක්.
තරුණ සංවර්ධනය හා ක්‍රීඩාවේ ප්‍රගමනය වෙනුවෙන් ඒකාබද්ධ ප්‍රවේශයක් පිළිබදව දැනුවත් කිරීමේ මධ්‍යම පළාත් වැඩසටහන.
තරුණ සංවර්ධනය හා ක්‍රීඩාවේ ප්‍රගමනය වෙනුවෙන් නව දැක්මක් අංශ රැසකින් ක්‍රියාත්මක කිරීමට පියවර ගැනේ. ක්‍රීඩා හා යෞවන කටයුතු අමාත්‍යාංශය මගින් ක්‍රියාත්මක කිරීමට යෝජිත මෙම වැඩසටහන පිළිබදව දැනුවත් කිරීමේ මධ්‍යම පළාත් වැඩසටහන ක්‍රීඩා හා යෞවන කටයුතු අමාත්‍ය රොෂාන් රණසිංහ මහතාගේ ප්‍රධානත්වයෙන් පල්ලෙකැලේ පිහිටි මධ්‍යම පළාත් සභා ශ්‍රවනාගාරයේදී පැවැත්වින.
මෙහිදී ක්‍රීඩාවේ හා තාරුණ්‍යයේ සංවර්ධනය උදෙසා ක්‍රියාත්මක කිරීමට යෝජිත ඒකාබද්ධ ප්‍රවේශය පිළිබදව මහනුවර ,මාතෙලේ හා නුවරඑලිය දිස්ත්‍රික්කයන්හි නිලධාරින් දැනුවත් කිරීම සිදු කරන ලදී.
ඒකාබද්ධ ප්‍රවේශයක් සදහා වූ පාර්ශවකරුවන් , ඒකාබද්ධ ප්‍රවේශයේ ප්‍රමුඛතා , ජාත්‍යන්තරය ජයගත හැකි ඒකාබද්ධ කලමනාකරණ ව්‍යුහයක් ,ජාතික ක්‍රීඩා සඳහාව , යෝජිත පළාත් ක්‍රීඩා සභාව , යෝජිත දිස්ත්‍රික් ක්‍රීඩා සභාව , යෝජිත ප්‍රාදේශීය ක්‍රීඩා සභාව ,ජාත්‍යන්තර ජයග්‍රහණ ඉලක්ක කරගත් ක්‍රීඩා තරගාවලි සැලස්මක් ,ලෙස වූ මෙම ජාතික තරුණ හා ක්‍රීඩා ප්‍රතිපත්තියේ අඩංගු කරුණු පිලිබදව දැනුවත් කිරීම මෙහිදී සිදුකෙරින. මෙම වැඩසටහන සදහා අනුබද්ධිත ආයතන ධාරිතාවය 128313ක් වේ.
මෙම අවස්ථාවට මධ්‍යම පළාත් ආණ්ඩුකාරවර නීතිඥ ලලිත් යු ගමගේ , ආයෝජන ප්‍රවර්ධන රාජ්‍ය අමාත්‍ය දිලුම් අමුණුගම , ක්‍රීඩා හා යෞවන කටයුතු රාජ්‍ය අමාත්‍ය රෝහණ දිසානායක , මධ්‍යම පළාත් සභාවේ සභාපති එල්.ඩි.නිමලසිරි , ක්‍රීඩා හා යෞවන කටයුතු අමාත්‍යාංශයේ ලේකම් සි.මහේෂ්වරන් ,ජාතික ක්‍රීඩා සභාවේ සභාපති අර්ජුන රණතුංග ,ඔලිම්පික් පදක්කම් ලාභී මලල ක්‍රීඩිකා සුසන්තිකා ජයසිංහ ,ශ්‍රී ලංකා පාපන්දු සම්මේලනයේ සභාපති ශ්‍රී රංගා , මධ්‍යම පළාත් ප්‍රධාන ලේකම් ගාමිණි රාජරත්න , ප්‍රධාන හා අධ්‍යාපන අමාත්‍යාංශයේ ලේකම් අජිත් ප්‍රේමසිංහ , මහනුවර දිස්ත්‍රික් ලේකම් චන්දන තෙන්නකෝන්, යන මහත්ම මහත්මීන් ඇතුළු පළාත් හා රාජ්‍ය ආයතන රැසක ආයතන ප්‍රධානින් සහභාගී වුහ.
