කන්ද උඩරට නිල් මහ සටන ජය පැරදුමෙන් තොරව අවසන්.

කන්ද උඩරට නිල් මහ සටන ජය පැරදුමෙන් තොරව අවසන්. මහනුවර ත්‍රිත්ව විද්‍යාලය සහ මහනුවර ශාන්ත අන්තෝනි විද්‍යාලය අතර 105 වැනි වරට පවත්වන ලද “කන්ද උඩරට නිල් මහ සටන” ක්‍රිකට් තරගය පසුගියදා ජය පරාජයෙන් තොරව නිමාවට පත් විය. මහනුවර අස්ගිරිය ක්‍රිකට් ක්‍රීඩාංගනයේ පැවති මෙම තරගයේ පළමුවට පන්දුවට පහරදුන් ශාන්ත අන්තෝනි කණ්ඩායම තම පළමු ඉනිම වෙනුවෙන් සියලු දෙනා දැවී ලකුණු 249 ලබාගත් අතර , ත්‍රිත්ව කණ්ඩායම පළමු ඉනිමේදී කඩුලු 09ක් දැවී ලකුණු 232 ක් රැස්කරගෙන සිටියදී තරගය නිමාවට පත්විය. ශාන්ත අන්තෝනි විදුහල පළමු ඉනිමේදී කණ්ඩායම් නායක තිසර ඒකනායක 63රැස්කරගත් අතර , ජනිත් රත්නසිරි ලකුණු 59ක් ද කෞෂික කුමාරසිංහ 32 ද රස කළේය. පන්දු යැවීමේ දී මනුල කුලරත්න 02/68, දිනුක තෙන්නකෝන් 02/43, වතිල උදාර 02/33, සුපුන් වඩුගේ 02/14 ලෙස දස්කම් දැක්විය. ත්‍රිත්ව කණ්ඩායම වෙනුවෙන් විදුක ධම්මගේ 70, ඩිමන්ත මහවිතාන 39, මනුල කුලරත්න 36 ලකුණු රැස් කළේය. පන්දු යැවීමේදී බිමාෂ් විදුදය 03/30, කවීෂ පියුමාල් 02/60 තිසර ඒකනායක 01/36 දවා ගැනීමට සමත්විය. පාසල් දෙක අතර පැවති තරගාවලි ඉතිහාසය තුළ තරග ජය පරාජයෙන් තොරව නිමාවට පත්වුණු 70 වැනි තරගය ලෙස මෙය වාර්තා අතරට එක් විය.