අඹතැන්න, කහවත්ත කිංග්ස්කෝර්ට් නව පාලම ජනතා අයිතියට...
අඹතැන්න, කහවත්ත කිංග්ස්කෝර්ට් නව පාලම ජනතා අයිතියට...
මහනුවර පූජාපිටිය ප්‍රාදේශීය සභා බල ප්‍රදේශයේ අඹතැන්න, කහවත්ත කිංග්ස්කෝර්ට් නව පාලම විවෘත කිරීම (18) සිදු කෙරිණි.
මධ්‍යම පළාත් ආණ්ඩුකාර නිතීඥ ලලිත් යූ ගමගේ මහතා සහ මහනුවර දිස්ත්‍රික් සම්බන්ධිකරණ කමිටු සම සභාපති, පාර්ලිමේන්තු මන්ත්‍රී ගුණතිලක රාජපක්ෂ මහත‍ාගේ ප්‍රධානත්වයෙන් උත්සවය පැවැත්විණි.
නෙදර්ලන්ත රජයේ රුපියල් මිලියන 65 ක මුල්‍ය අනුග්‍රහය යටතේ මධ්‍යම පළාත් මාර්ග සංවර්ධන අධිකාරියේ විසින් මෙම පාලම ඉදිකර ඇත.
මෙම පාලම විවෘත කිරීම මගිනු අකුරණ ප්‍රදේශයේ පවතින ගංවතුර තත්ත්වය අවම කිරීම සඳහා සහාය ලැබීමත් සහ පූරාපිටිය ප්රාදේශිය ලේකම් කොට්ඨාසයේ ග්‍රාම නිලධාරි වසම් 67 ක ජනතාව වෙත ප්‍රවාහන පහසුකම් සැලසේ.
මීට සමගාමීව අග්‍රාමාත්‍ය කාර්යාලයේ අනුග්‍රහයෙන් හා ශ්‍රී ලංකා හදබිම අධිකාරිය විසින් ස්වයං රැකියාවක් ලෙස කුකුළු පැටව් නිෂ්පාදනය කරනු ලබන ව්‍යවසායයකයින් තිදෙනෙක් සඳහා කුකුළු බිත්තර රැක්කවීමේ යන්ත්‍ර ප්‍රදානය කිරීම ද සිදු කෙරිණි.
මෙම විවෘත කිරීමේ අවස්ථාව සඳහා පූජාපිටිය ප්රාදේශිය ලේකම් ඩී.එන්.එස්.කේ. දීගල, පූජාපිටිය ප්රාදේශිය සභා ලේකම් සභා ලේකම් කුෂානී ජයරත්න, මහනුවර මහ නගර සභාවේ නියෝජ්‍ය නාගරික කොමසාරිස් ඉන්දිකා කුමාරි අබේසිංහ යන මහත්මින් ඇතුළු රාජ්‍ය නිලධාරින් හා ප්‍රදේශවාසින් පිරිසක් සහභාගී වූහ.
