දිගන ‘පූජා’ වෙසක් කලාපය ආරම්භ කෙරේ....

දිගන ‘පූජා’ වෙසක් කලාපය ආරම්භ කෙරේ.... සම්බුදු තෙමගුල නිමිත්තෙන්, දිගන, ශ්‍රී රාජවාලුකාරාම විහාරස්ථානයේ ‘පූජා’ වෙසක් කලාපය විවෘත කිරීම මධ්‍යම පළාත් ආණ්ඩුකාරවර මහාචාර්ය එස්.බී.එස්.අභයකෝන් මහතාගේ ප්‍රධානත්වයෙන් එම විහාරස්ථාන පරිශ්‍රයේදී (23) දින ආරම්භ කෙරිණි. ‘පූජා’ වෙසක් කලාපය මැයි 23, 24 සහ 28 සිට 31 දක්වා පැවැත්වෙන අතර දාන ශීල භාවනා, වෙසක් තොරණ, දන්සල්, පහන් කූඩු ප්‍රදර්ශනය ඇතුළු වැඩසටහන්, රැසක් සංවිධානය කර තිබේ. මෙම අවස්ථාව සඳහා උඩරට අමරපුර නිකායේ ප්‍රධාන සංඝනායක පූජ්‍ය විහාරබුලන්කුලමේ උපවංශ හිමි, දිගන ශ්‍රී රාජවාළුකාරාම විහාරස්ථානයේ විහාරාධිපති පූජ්‍ය පිල්හත මහානාම හිමි ඇතුළු විහාරස්ථ දායක සභාවේ සාමාජිකයින් සහ දහම් පාසල් දරුවන් සහ ප්‍රදේශවාසීන් පිරිසක් එක් වූහ.