මාතලේ කලාප අධ්යාපන කාර්යාලයට නව අධ්යක්ෂවරියක් පත් කෙරේ
මාතලේ කලාප අධ්යාපන කාර්යාලයට නව අධ්යක්ෂවරියක් පත් කෙරේ
ශ්රී ලංකා අධ්යාපන පරිපාලන සේවයේ නිලධාරියක වන ආර්.ජි.ජි.එන්.එස්. චන්ද්රසේකර මහත්මිය මාතලේ කලාප අධ්යාපන අධ්යක්ෂ ලෙස පත් කෙරේ.
ඊට අදාළ පත්වීම් ලිපිය මධ්යම පළාත් ආණ්ඩුකාරවර මහාචාර්ය එස්.බී.එස්. අභයකෝන් මහතා විසින් පසුගිය (01) දින පෙරවරුවේ ආණ්ඩුකාර කාර්යාලයේදී පිරිනැමිණි.මාතලේ කලාප අධ්යාපන අධ්යක්ෂ තනතුරට පත් කිරීමට පෙර චන්ද්රසේකර මහත්මිය දෙනුවර කලාප අධ්යාපන කාර්යාලයේ, වැඩබලන කලාප අධ්යාපන අධ්යක්ෂ ලෙස කටයුතු කළාය.ශ්රී ලංකා අධ්යාපන පරිපාලන සේවයේ වසර දාහතක පමණ සේවා පළපුරුද්දක් ඇති නිලධාරිනියක වන චන්ද්රසේකර මහත්මිය, රාජ්ය සේවයට එක්වීමෙන් පසුව දෙනුවර කලාප අධ්යාපන කාර්යාලයේ තනතුරු රැසක රාජකාරි කටයුතු සිදුකර තිබේ.මෙම පත්වීම් ප්රදානය කිරීමේ අවස්ථාවට මධ්යම පළාත් ආණ්ඩුකාර ලේකම් මංජුලා මඩහපොල, ප්රධාන හා අධ්යාපන අමාත්යාංශයේ ලේකම් මධුපානී පියසේන යන මහත්මීහුද එක් වූහ.
