මහනුවර කලාප අධ්යාපන කාර්යාලයේ ලේ දන්දීමේ වැඩසටහන
මහනුවර කලාප අධ්යාපන කාර්යාලයේ ලේ දන්දීමේ වැඩසටහන
වෙසක් උත්සවයට සමගාමීව මහනුවර කලාප අධ්යාපන කාර්යාලයේ ක්රීඩා සුබ සාධක සංගමය විසින් සංවිධානය කරනු ලැබූ ලේ දන්දීමේ වැඩසටහන එම කාර්යාල පරිශ්රයේදී පසුගිය (02) දින පැවැත්විණි.ශ්යාමෝපාලී වංශික මහා නිකායේ අස්ගිරි පාර්ශවයේ අනුනායක අතිපූජ්ය නාරම්පනාවේ ආනන්ද හිමියන් වැඩම කිරීමෙන්, මධ්යම පළාත් ආණ්ඩුකාරවර මහාචාර්ය එස්.බී.එස්. අභයකෝන් මහතාගේ ප්රධානත්වයෙන් මෙම වැඩසටහන ආරම්භ කෙරිණි.
ප්රථම වරට සංවිධානය කර තිබු මෙම ලේ දන්දීමේ වැඩසටහනේ දී, රුධිර පරිත්යාගශීලීන් ඇගයීම සඳහා පළතුරු පැළයක් ලබාදීමට ද කටයුතු යොදා තිබිණි.මෙම අවස්ථාව සඳහා මහා සංඝරත්නය, මධ්යම පළාත් ප්රධාන හා අධ්යාපන අමාත්යාංශයේ ලේකම් මධුපානී පියසේන, ජ්යෙෂ්ඨ සහකාර ලේකම් ප්රභාත් මද්දුමආරච්චි, අතිරේක පළාත් අධ්යාපන අධ්යක්ෂ එම්.පී. දිසානායක, මහනුවර කලාප අධ්යාපන අධ්යක්ෂ ඩී.සී.අයි. අන්දරගේ, මහනුවර අතිරේක දිස්ත්රික් ලේකම් ඉඳුමිනි මැණික්දිවෙල, අධ්යාපන අධ්යක්ෂ (සංවර්ධන) කේ.ඩී.ඩී. ප්රියදර්ශනි යන මහත්ම මහත්මීහු ඇතුළු මහනුවර ජාතික රෝහලේ රුධිර පාරවිලයන මධ්යස්ථානයේ නිලධාරින්, කලාප අධ්යාපන කාර්යාලයේ ක්රීඩා සුබ සාධක සංගමයේ නිලධාරීන් රුධිර පරිත්යාගශීලීන් පිරිසක් එක් වූහ.
