උත්සහයෙන් දියුණුවට ජීවනෝපාය සංවර්ධන වැඩ සටහනක් .
මාතලේ ප්‍රාදේශීය සභා බල ප්‍රදේශයේ රැකියා විරහිත ප්‍රජාවගේ ජීවන තත්ත්වය ඉහළ නැංවීම අරමුණු කරගෙන මාතලේ ප්‍රාදේශීය සභාවේ සභාපති කපිල බණ්ඩාර හේන්දෙණිය මහතාගේ සංකල්පයක් අනුව පවත්වනු ලබන ජීවනෝපාය සංවර්ධන පුහූණු වැඩමුළු මාලවේ පළමු වන වැඩසටහන ඉකුත්දා මාතලේ ප්‍රාදේශීය සභාවේ නිමල් ජයවර්ධන පුරහල ශාලාවේ දී පැවැත් විය.
පවත්නා ආර්ථික අර්බුදය හමුවේ නිවසින් ආර්ථිකය ජය ගැනීමට සරල තාක්ෂණය යොදා ගනිමින් ආර්ථික අර්බුදයට ශක්තියක් වීම වෙනුවෙන් රෙදි සෝදන සබන් හා සබන් කුඩු නිෂ්පාදනය පිළිබදව පැවැත් වූ මෙම පුහුණු වැඩ සටහන සදහා මාතලේ කාර්මික සංවර්ධන අධිකාරියේ සහකාර අධ්‍යක්ෂ රෝහිත සුමනවීර , පලාපත්වල ග්‍රාමීය බැංකුවේ නියොජ්‍ය සාමාන්‍ය අධිකාරී ඒ.එල් උඩගේ යන මහත්වරුන් හා මාතලේ ප්‍රාදේශීය සභාවේ පරිසර නිලධාරී හා ආදායම් පරීක්ෂක නිලධාරී විසින් සම්පත් දායකත්වය ලබාදෙන ලද අතර , මෙහිදී විසින් කර්මාන්තයක්/ව්‍යාපාරයක් ආරම්භ කිරීමේ දී මූල්‍යම සහයෝගය ලබා ගන්නා ආකාරය පිළිබදවද, කාර්මාන්තයක් ආරම්භ කිරීමේ දී වැදගත්වන නීතිමය රාමුව පිළිබදවද පැහැදිලි කරන ලදි.
