යටිනුවර පලාත් පාලන ඉතිහාසයේ සංවර්ධන කටයුතු සඳහා වෙන් කල වැඩිම මුදල 2023 වර්ෂයේ අයවැයෙන් !
2023 වර්ෂය වෙනුවෙන් යටිනුවර ප්‍රාදේශීය සභාව ඉදිරිපත් කරන ලද අයවැය ඒකමතිකව සභාසම්මත විය. 2023 වර්ෂයේ අයවැය ප්‍රතිපත්ති ප්‍රකාශය පසුගියදා (29 ) සභාපති ආර්.එන්.කේ.රූපස්සර මහතාගේ ප්‍රධානත්වයෙන් පැවැති මහා සභාවේදී ඉදිරිපත් කෙරින.
2023 වර්ශය සඳහා ඉදිරිපත් කල අයවැය ප්‍රතිපත්ති ප්‍රකාශනයේ ඇතුලත් යෝජනා අතරට , බෝ නොවන රෝග වලින් ආරක්ෂා වීම පිළිබඳව ප්‍රජාව හා පාසල් දරුවන් දැනුවත් කිරීමේ වැඩසටහන් සංවිධානය කිරීමට, කිරිමැටියවත්ත කසල අංගනය තවදුරටත් සංවර්ධනය කිරීමට, සභාව සතු ඉඩම් තුල පරිසර හිතකාමී ශාක සිටුවීමට, යටිනුවර බල ප්‍රදේශයේ ඓතිහාසික ස්ථාන තුල යටිතල පහසුකම් සංවර්ධනය කර සංචාරක කටයුතු සංවර්ධනය කිරීමට, ජල යෝජනා ක්‍රමය තවදුරටත් සංවර්ධනය කිරීමට, වැඩ ඒකකය සඳහා රුපියල් මිලියන 15ක් වෙන් කිරීමට, පුස්තකාල සේවාව නවීන ලෝකයට ගැලපෙන අයුරින් තොරතුරු තාක්ෂණය යොදාගනිමින් නවීකරණය කිරීමට, බල ප්‍රදේශයේ දුවා දරුවන්ගේ අධ්‍යාපන මට්ටම ඉහල නැංවීමේ වැඩසටහන් සංවිධානය කිරීමට, මෙම වසර තුල ඉදිකිරීම් ආරම්භ කල ගන්නෝරුව ආයුර්වේද මධ්‍යස්ථානයේ ඉදිකිරීම් ලබන වසර තුල අවසන් කර ජනතා අයිතියට පත් කිරීමට, කාන්තා අභිවෘද්දි වැඩසටහන් ක්‍රියාත්මක කිරීමට ලක්ෂ 10ක මුදලක් වෙන් කිරීමට, අඩු ආදායම්ලාභී පවුල්වල දරුවන්ගේ අධ්‍යාපනය වෙනුවෙන් අවශ්‍ය පොත්පත් සහ උපකරණ කට්ටල ලබා දීමට, යටිනුවර බල ප්‍රදේශයේ ජනතාවගේ පෝෂන අවශ්‍යතාවය ඉහල නැංවීම වෙනුවෙන් ලක්ෂ 12 වෙන් කිරීමට, යටිනුවර ජනතාවට වඩාත් ඉහල උපරිම සේවාවක් ලබා දීම කෙරෙහි විශේෂ අවධානයක් යොමු කිරීම ඇතුලත්වේ.
යටිනුවර පලාත් පාලන ඉතිහාසයේ සංවර්ධන කටයුතු සඳහා වෙන් කල වැඩිම මුදල වන රුපියල් මිලියන 65ක මුදලක් 2023 වර්ෂය තුල වෙන් කිරීමට මෙහිදී යෝජනා කර ඇත.
