හාරිස්පත්තුව ප්‍රාදේශීය සභා බල ප්‍රදේශයේ යහලතැන්න හා යහලතැන්න බටහිර ප්‍රදේශවාසීන්ගේ ඉල්ලීම පරිදි නව මහජන පුස්තකාලයක් යහලතැන්න විහාරස්ථානයට යාබද ව ඉදි කිරීමට හාරිස්පත්තුව ප්‍රාදේශීය සභාව පියවර ගනී. පුස්තකාල ගොඩනැගිල්ල මහල් දෙකකින් සමන්විත ය. එහි බිම් මහලේ මුල් ළමා විය සංවර්ධන මධ්‍යස්ථානයක් ආරම්භ කිරීමට ද ප්‍රාදේශීය සභාව අපේක්ෂා කරයි.
මේ සඳහා ප්‍රතිපාදන වෙන් කරනු ලබන්නේ ප්‍රාදේශීය සභා අරමුදලෙනි.
මෙම නව මහජන පුස්තකාලය හේතුවෙන් හාරිස්පත්තුව ප්‍රාදේශීය සභාව සතු මහජන පුස්තකාල සංඛ්‍යාව අටක් දක්වා ඉහළ යනු ඇත.
