WWW.ZEOGALEWELA.LK වෙබ් අඩවිය එළිදැක්වේ.
මානව ක්‍රියාකාරකම් සදහා සහයක් ලෙස තාක්ෂණය යොදා ගැනීම නුතනයේ ප්‍රබල අංගයක් බවට පත්වී ඇති බවත් අරමුණුගත ඉලකකයන් වෙත ගමන් කිරීමේදී රාජ්‍ය ආයතන ද තාක්ෂණයේ දායකත්වය ලබා ගනිමින් තොරතුරු තාක්ෂනයෙන් ජනහිතකාමී කාර්යක්ෂම සේවාවන් ලබාදීම කාලින අවශ්‍යතාවයක් බවට පත්ව ඇති බව මාධ්‍යම පළාත් අධ්‍යාපන අධ්‍යක්ෂ අමරසිරි පියදාස මහතා පවසයි.
ඒ මහතා මෙලෙස පැවසුයේ ඉකුත්දා (30) දඹුල්ල සන්නස හෝටල් පරිශ්‍රයේ සංවිධානය කර පැවති ගලේවෙල අධ්‍යාපන කලාපයේ නිල වෙබ් අඩවිය එළිදැක්වීමේ අවස්ථාවට ප්‍රධාන ආරාධිතයා ලෙස එක් වෙමිනි.
සිසුන්ට ,ගුරුවරුන් , පාසල් පද්ධතියට හා අධ්‍යාපන ක්ෂේත්‍රයේ නියැලෙන පුද්ගලයින් සදහා වඩා සක්‍රිය සේවාවක් ලබාදීමේ අරමුණින් ගලේවෙල අධ්‍යාපන කලාපය මගින් නව තාක්ෂණය බද්ධ කර ගනිමින් සේවා සැපයුම පුළුල් කිරීම වෙනුවෙන් මෙම වෙබ් අඩවිය නිර්මාණය කොට ඇති අතර එමගින් සේවා රැසක් සැපයීමට සැලසුම් කර ඇත.
මෙහිදී අදහස් දැක්වූ ගලේවෙල කලාප අධ්‍යාපන අධ්‍යක්ෂ සුජීවා වීරසුන්දර මහත්මිය, මෙවැනි ක්‍රියාකාරකම් මගින් අභියෝග ජය ගනිමින් මධ්‍යම පළාතේ අධ්‍යාපනයේ ගමන්මග නව දිශානතියක් වෙත ගෙනයාමටයි අපේ උත්සාහය. අධ්‍යාපන ක්ෂේත්‍රයේ නියුක්ත සේවාලාභින්ගේ සේවා තෘප්තියත් සමග දරුවන්ගේ සාධනීය අධ්‍යාපන අභිමතාර්ථ ඉටු කිරීම සදහා නව දිශානතියක් වෙත අධ්‍යාපන ක්ෂේත්‍රය ගෙනයාම වෙනුවෙන් මෙම නව ව්‍යාපෘති ආරම්භ කළේ. මධ්‍යම පළාතේ පවතින දුෂ්කර අධ්‍යාපන කලාපයක් වුවත් නව තාක්ෂණය සමග බද්ධ වෙමින් සේවාවන් වඩා ජනහිතාකාමිව හා කාර්යක්ෂමව සපයාදිමටත් , නව දැනුම හා තොරතුරු ලබාගැනීමට මග උදා කිරිමත් වෙනුවෙන් මෙම වෙබ් අඩවිය නව අංග එක් කරමින් නිර්මාණය කර ඇති බව කලප අධ්‍යාපන අධ්‍යක්ෂවරිය පැවසිය.
ගලේවෙල අධ්‍යාපන කලාපය මගින් සංවිධානය කර පැවතී මෙම අවස්ථාව සදහා පළාත් අධ්‍යාපන දෙපාර්තමේන්තුවේ අතිරේක අධ්‍යාපන අධ්‍යක්ෂ (සංවර්ධන ) ඒ.එල්.එම්. සාරුඩින්, නියෝජ්‍ය අධ්‍යාපන අධ්‍යක්ෂ (සැලසුම්) එස්.දිසානායක යන මහත්වරුන් ඇතුළු සියලුම කලාප අධ්‍යාපන අධ්‍යක්ෂවරුන් ,විදුහල්පතිවරුන්, ගුරුවරුන් ඇතුළු පිරිසක් සහභාගී වුහ.
