මධ්යම පළාත් සත්ත්ව නිෂ්පාදන ආරෝග්යශාලා සහයකයින්ගේ පවතින වෘත්තිමය ගැටළු නිරාකරණය කිරීම සමබන්ධයෙන් වූ විශේෂ සාකච්ජාවක්.
මධ්යම පළාත් සත්ත්ව නිෂ්පාදන හා සෞබ්යය දෙපාර්තමේන්තුවේ ආරෝග්යශාලා සහයකයින්ගේ පවතින වෘත්තිමය ගැටළු නිරාකරණය කිරීම සමබන්ධයෙන් වූ විශේෂ සාකච්ජාවක් 25 දින මධ්යම පළාත් ආණ්ඩුකාරවර නීතිඥ ලලිත් යු ගමගේ මහතාගේ ප්රධානත්වයෙන් මහනුවර පිහිටි ආණ්ඩුකාර කාර්යාලිය ශ්රවනාගාරයේදී පැවැත් වින.
මෙම තනතුරට අදාලව පවතින ආයතනික පරිපාලනමය ගැටළු විසදා ගැනීමෙන් අනතුරුව අනෙකුත් පළාත් සභාවල පවතින ක්රියා පිළිවෙත් ද සැලකිල්ලට ගනිමින් පවතින වෘත්තිමය ගැටළු නිරාකරණය සදහා අවශ්ය පියවර ගැනීමට මෙහිද එකගත්වය ලබාදීම සිදුකරන ලදී. මෙම අවස්ථාවට මධ්යම පළාත් ප්රධාන ලේකම් ගාමිණි රාජරත්න ,ආණ්ඩුකාර ලේකම් මංජුලා මඩහපොල , කෘෂිකර්ම අමාත්යංශයේ ලේකම් ඩබ්ලිව්.දයානන්ද, රාජ්ය සේවා කොමිෂන් සභාවේ ලේකම් කුමුදුනි ප්රේමචන්ද්ර , නියෝජ්ය ප්රධාන ලේකම් (පිරිස් හා පුහුණු ) චන්දන වික්රමසුරිය , නියෝජ්ය ප්රධාන ලේකම් (පාලන ) ජගත් අධිකාරි , සත්ත්ව නිෂ්පාදන හා සෞබ්යය දෙපාර්තමේන්තුවේ අධ්යක්ෂ එස්.රාජනායක යන මහත්ම මහත්මීන් , දිස්පැන්සරි සහයකයින්ගේ වෘත්තිය සමිතියේ සාමාජිකයින් ඇතුළු පිරිසක් එක්ව සිටියහ.
මධ්යම පළාතේ ඉංජිනේරු සේවා කටයුතු විධිමත් කිරීමට නව සැලැස්මක් .
මධ්යම පළාතේ ඉංජිනේරුමය සේවා කටයුතු විධිමත් කිරීම සදහා නව සැලැස්මක් ක්රියාත්මක කිරීම පිළිබදව වූ විශේෂ සාකච්ජාවක් 25දින මධ්යම පළාත් ප්රධාන ලේකම් ගාමිණි රාජරත්න මහතාගේ ප්රධානත්වයෙන් මහනුවර පිහිටි ආණ්ඩුකාර කාර්යාලිය ශ්රවනාගාරයේදී පැවැත් වින.
පළාත තුළ දැනට සිදු කරනු ලබන ඉංජිනේරුමය කාර්යයන් වඩා විනිවිධභාවයෙන් හා කාර්යක්ෂමව ලබාදීම සදහාත් , පළාතේ සංවර්ධන කටයුතු සහ ජනතා අපේක්ෂාවන් ඉටුකිරීම සදහා සියලුම අමාත්යංශ විෂයපතයන් ඒකාබද්ධ කරමින් වැඩි දායකත්වයක් ලබාදිය හැකි ලෙස නව පෙළගැස්මක් සහිතව ඉංජිනේරුමය සේවා කටයුතු පවත්වා ගැනීම පිළිබදව මෙහිදී දීර්ග වශයෙන් කරුණු සාකච්ජාවට බදුන් විය.
මෙම අවස්ථාව සදහා අමාත්යංශ ලේකම්වරුන් ,නියෝජ්ය ප්රධාන ලේකම්වරුන් , ඉංජිනේරු සේවා දෙපාර්තමේන්තුවේ අධ්යක්ෂ, වාරිමාර්ග දෙපාර්තමේන්තුවේ අධ්යක්ෂ, සෞබ්යය සේවා දෙපාර්තමේන්තුවේ අධ්යක්ෂ ඇතුළු රාජ්ය නිලධාරින් රැසක් සහභාගී වුහ.
නිපුණතාවට ඇගැයීමක් - කිරි ගොවිපල සහයක පාඨමාලාවේ සහතික පත් පිරිනැමේ.
මධ්යම පළාත් සත්ත්ව නිෂ්පාදන හා සෞඛ්ය දෙපාර්තමේන්තුව මඟින් පවත්වාගෙන යනු ලබන කිරි ගොවිපල සහායක පාඨමාලාවේ NVQ සහතිකපත්ර ලබා දීම ඊයේ (24) ගන්නෝරුව අඛණ්ඩ අධ්යාපන ආයතනයේ දී සිදු කෙරිණි.
මේ අවස්ථාව සඳහා ප්රධාන ආරාධිත අමුත්තන් ලෙස මධ්යම පළාත් ප්රධාන ලේකම් ගාමිණී රාජරත්න , මධ්යම පළාත් ආණ්ඩුකාර ලේකම් මංජුලා මඩහපොල, මධ්යම පළාත් කෘෂිකර්ම හා සත්ත්ව නිෂ්පාදන අමාත්යාංශයේ ලේකම් ටී.ඒ.ඩී.ඩබ්.දයානන්ද යන මහත්ම මහත්මීහු සහභාගී වූහ.
මෙහිදී අදහස් දක්වමින් ප්රධාන ලේකම් ගාමිණී රාජරත්න මහතා කියා සිටියේ මෙම පාඨමාලාව හේතුවෙන් පාසැල් අධ්යාපනය නිම කළ රැකියා අහිමි තරුණ තරුණියන් වෙත කිරිගව පාලන ක්ෂේත්රය ආශ්රිත දේශීය, විදේශීය රැකියා අවස්ථා ලබා ගැනීමේ ඉඩ ප්රස්ථා සැලසෙන බව යි. එමෙන්ම තරුණ ප්රජාව ව්යවසායකයන් ලෙස ගොඩ නැංවීමට අවශ්ය දැනුම හා කුසලතාව ලබා ගැනීමේ ස්ථානයක් දෙපාර්තමේන්තුව මෙසේ නිර්මාණය කිරීම තමා බෙහෙවින් අගය කරන බව ද ඔහු වැඩි දුරටත් කියා සිටියේ ය.
ෆාම්කෙමි ආයතනයේ අධ්යක්ෂවරයා ද කිරි ගව පාලන ක්ෂේත්රය තුළ නිපුණ ශිල්පීනට ඇති අවකාශය සම්බන්ධයෙන් අදහස් දැක්වී ය.
මධ්යම පළාත් රාජ්ය සේවා කොමිෂන් සභාවේ ලේකම් ධුරයට අභිනවයෙන් පත් කෙරුණු කුමුදුනී එස්.ප්රේමචන්ද්ර මහත්මිය පසුගිය (23) පෙරවරුවේ කොමිෂන් සභා පරිශ්රයේ සිය නිල කාර්යාලයේ දී මහා සංඝරත්නයේ ආශීර්වාද මධ්යයේ රාජකාරි කටයුතු ආරම්භ කළේ ය.
ප්රේමචන්ද්ර මහත්මිය ශ්රී ලංකා පරිපාලන සේවයේ විශේෂ ශ්රේණියේ නිලධාරිනියකි. මෙම ධුරයට පත් කිරීමට පෙරාතුව ඇය 2021 වර්ෂයේ සැප්තැම්බර් මස සිට පළාත් සභාවේ සභා ලේකම් ධුරය දරමින් සිටියා ය. ඊට ප්රථම ඇය දරමින් සිටියේ මහනුවර අතිරේක දිස්ත්රික් ලේකම් (ඉඩම්) තනතුර යි.
ඇය මහනුවර උසස් බාලිකා විදුහලේ ආදි ශිෂ්යාවකි. පේරාදෙණිය විශ්ව විද්යාලයේ උපාධිධාරිනියකි. ශ්රී ලංකා පරිපාලන සේවයට ඇය එක් වන්නේ 2000 වර්ෂයේදී ය. එහි විශේෂ ශ්රේණියට ඇය පත්වන්නේ 2021 වර්ෂයේ ජුලි මස දී යි.
නව තනතුරට පත් වීමට ප්රථම ඇය රාජ්ය පරිපාලන සේවයේ තනතුරු ගණනාවක් ම හෙබවූවා ය.
මධ්යම පළාත් කෘෂිකර්ම අමාත්යංශයේ ලේකම් ධුරයට අභිනවයෙන් පත් කෙරුණු විල්සන් දයානන්ද මහතා ඊයේ (23) පෙරවරුවේ මහා සංඝරත්නයේ ආශීර්වාද මධ්යයේ අමාත්යාංශ පරිශ්රයේ සිය නිල කාර්යාලයේ දී රාජකාරි කටයුතු ආරම්භ කළේ ය.
දයානන්ද මහතා ශ්රී ලංකා පරිපාලන සේවයේ විශේෂ ශ්රේණියේ නිලධාරියෙකි. මෙම තනතුරට පත් කිරීමට ප්රථම ඒ මහතා මධ්යම පළාත් රාජ්ය සේවා කොමිෂන් සභාවේ ලේකම්වරයා ලෙස කටයුතු කරමින් සිටියේ ය.
පොළොන්නරුව ගිරිතලේගම මහා විද්යාලයෙන් මූලික අධ්යාපනය ලද දයානන්ද මහතා පේරාදෙණිය විශ්ව විද්යාලයෙන් ශාස්ත්රවේදී උපාධියත්, කැළණිය විශ්ව විද්යාලයෙන් ශාස්ත්රපති උපාධියත් ලබා රාජ්ය සේවයට එක් වන්නේ ශ්රී ලංකා ගුරු සේවය ඔස්සේ ය.
ශ්රී ලංකා පරිපාලන සේවයට දයානන්ද මහතා එක් වන්නේ වර්ෂ 1998 දී යි. අනතුරුව ඔහු සහකාර ඉඩම් කොමසාරිස්වරයකු ලෙස කොළඹ හා අනුරාධපුර ප්රදේශ විෂයෙහි සේවය කළේ ය. මැදිරිගිරිය හා දොළුව සහකාර ප්රාදේශීය ලේකම් ලෙස ද ඉනික්බිතිව ඔහු කටයුතු කොට තිබේ. හිඟුරක්ගොඩ හා ගඟ ඉහළ කෝරළේ ප්රාදේශීය ලේකම් වරයා ලෙස ද කටයුතු කළ ඔහු දොළුව ප්රාදේශීය ලේකම්වරයා ලෙස පත් කෙරෙන්නේ අදින් දෙවසරකට පමණ පෙරාතුව ය.
මධ්යම පළාත් රාජ්ය සේවා කොමිෂන් සභාවේ ලේකම්වරයා ලෙස පළාත් සභා යාන්ත්රණය විධිමත් කිරීමට හා සවිමත් කිරීමට ඔහු දරූ තැත ප්රශංසනීය ය.
දයානන්ද මහතා රාජකාරී ආරම්භ කිරීමේ අවස්ථාවට පළාත් ප්රධාන හා අධ්යාපන අමාත්යංශයේ ලේකම් අජිත් ප්රේමසිංහ මහතා හා පළාත් මාර්ග සංවර්ධන අමාත්යංශයේ ලේකම් මධුපානි පියසේන මහත්මිය ද, පළාත් සභා නියෝජ්ය ප්රධාන ලේකම් (පිරිස් හා පුහුණු) චන්දන වික්රමසූරිය මහතා හා පළාත් සභා නියෝජ්ය ප්රධාන ලේකම් (මුදල්) ජී. ඒකනායක මහතා ද, පළාත් පාලන කොමසාරිස් මේනක හේරත් මහතා ද ඇතුළු පළාත් සභා ජ්යෙෂ්ඨ නිලධාරීන් පිරිසක් ද , පළාත් කෘෂිකර්ම අමාත්යංශයේ හා පළාත් රාජ්ය සේවා කොමිෂන් සභාවේ කාර්ය මණ්ඩල ඇතුළු ජ්යෙෂ්ඨ නිලධාරීන් පිරිසක් ද එක්ව සිටියහ.
අනු-ප්රවර්ගයන්
සාමාන්ය පුවත්
සාමාන්ය පුවත්
