කිතුල’ අලෙවි ප්රදර්ශනය ඇරඹේ.
අර්බුද ජය ගනිමින් අනාගත අපේක්ෂා දල්වා ගත හැක්කේ රාජ්ය නිලධාරීන් හා රාජ්ය ආයතන වෙනස්ව සිතීමෙන් හා වෙනස් ආකාරයෙන් කටයුතු කිරීමෙන් බවත්, මධ්යම පළාත් කර්මාන්ත සංවර්ධන හා ව්යාපාර ප්රවර්ධන දෙපාර්තමේන්තුව මේ පිළිවෙතට පැමිණ ඇති බවත් මධ්යම පළාත් ආණ්ඩුකාර නීතීඥ ලලිත් යූ. ගමගේ මහතා පවස යි.
පසුගිය (17) පෙරවරුවේ මහනුවර කැන්ඩි සිටි සෙන්ටර් හි දී ආරම්භ වූ මධ්යම පළාත් කර්මාන්ත සංවර්ධන හා ව්යාපාර ප්රවර්ධන දෙපාර්තමේන්තුව සංවිධානය කළ ‘කිතුල’ අලෙවි ප්රදර්ශනය විවෘත කරමිනු යි ආණ්ඩුකාර ගමගේ මහතා මේ අදහස් පළ කළේ.
මධ්යම පළාතේ කිතුල් ආශ්රිත නිෂ්පාදන කාර්යයන්හි නිරත සුළු හා මධ්ය පරිමාණ ව්යවසායකයන්ගේ නිෂ්පාදන අලෙවි කර ගැනීමත්, නව වෙළෙඳ පොළ අවස්ථා හඳුන්වා දීමත් අරමුණු කරගෙන මේ අලෙවි ප්රදර්ශනය සංවිධානය කෙරේ. කිතුල් හකුරු, කිතුල් පැණි, කිතුල් පිටි ආදිය උපයෝගී කොට ගෙන නිෂ්පාදිත ආහාර ද්රව්යය ද, කිතුල් ලී භාවිත කරමින් නිෂ්පාදිත විසිතුරු භාණ්ඩ හා මුළුතැන්ගෙයි උපකරණ ද මෙම ප්රදර්ශනයේදී පහසු මිල ගණන් යටතේ ලබා ගත හැකි ය. සම්ප්රදායික නිෂ්පාදන සේම නව නිෂ්පාදන කෙරෙහිද මෙම ව්යවසායකයන් ඉහළ උනන්දුවක් දක්වා ඇති බව පෙනේ.
පේරාදෙණිය විශ්ව විද්යාලයේ සම්මානිත මහාචාර්ය එච්.එම්.ආර්.ඩී. හේරත් මහතා කිතුල් නිෂ්පාදන පිළිබඳ අතීත හා වර්තමාන තතු අන්තර්ගත කෙටි දේශනයක් පැවැත්වී ය.
මධ්යම පළාත් කර්මාන්ත අමාත්යංශයේ ලේකම් උපාලි රණවක, මධ්යම පළාත් කර්මාන්ත සංවර්ධන හා ව්යාපාර ප්රවර්ධන දෙපාර්තමේන්තුවේ අධ්යක්ෂ උදාර කොන්සිවත්ත හා මහනුවර කැන්ඩි සිටි සෙන්ටර් හි අධිපති තුසිත විජේසේන යන මහත්වරුද මෙහිදී අදහස් දැක්වූහ.
ප්රදර්ශනය අද සහ හෙට මහනුවර කැන්ඩි සිටි සෙන්ටර් හි බිම් මහලේදී පැවැත්වේ.
කඳුරට ගුවන් විදුලියේ බෞද්ධ සන්නිවේදක ජයන්ත ටී. හේරත් මහතා විසින් රචිත “ප්රභාතය” කෘතිය ජනගත කෙරේ.
වැඩසටහන් නිෂ්පාදක වරයෙකු ගීත රචකයකු චිත්රපට හා බලි නාට්ය නළුවෙකු වූ ජනතා මහතා ගුවන් විදුලි නිවේදක යෙකු ලෙස 31 වසරක අත්දැකීම් සහිත සන්නිවේදකයෙකි.
ඔහු විසින් නිතිපතා ඉදිරිපත් කරන “ප්රභාතය” නම් ගුවන් විදුලි වැඩසටහනට සහභාගී වූ මධ්යම පළාතේ ජීවත් වන විසිද චරිත 137 ක ජීවන හා වෘත්තීය අත්දැකීම් තුලින් මෙම කෘතිය සම්පාදනය කර ඇත.
අස්ගිරි මහා විහාරීය පාර්ශවයේ අනු නායක පූජ්ය වෙන්දරුවේ උපාලි අභිදාන මාහිමි පානන්, කුණ්ඩසාලේ මහමෙවුනා භාවනා අසපුවේ ලේකඛධිකාරී පූජ්ය නාලන්ධාභිදාන නායක ස්වාමීන්වහන්සේ ප්රමුඛව පූජ්ය පක්ෂයත්, මධ්යම පළාත් ප්රධාන ලේකම් ගාමිණී රාජරත්න මහතා ඇතුළු රාජ්ය නිලධාරීන්ගේත් සම්මානිත මහාචාර්ය එච්.එම.ආර්.ඩී. හේරත් මහතා ඇතුළු විද්වතුන්ගේත්, විශේෂඥ වෛද්ය තිලක් මහතා ඇතුළු වෛද්ය වෘතිකයන්, විවිධ මට්ටමේ ප්රවීනයගේ තොරතුරු මෙම ග්රන්ථයට ඇතුලත් කොට ඇත.
ප්රභාතය ග්රන්ය දොරට වැඩුම පසුගිය දා මහනුවර ශාන්ත සිල්වෙස්තර විද්යාලීය ශ්රවනාගාරයේදී පේරාදෙණිය විශ්ව විද්යාලයේ උපකුලපති විශේෂඥ වෛද්ය එම්.එස්.ලමාවංශ මහතාගේ ප්රදානත්වයෙන් උත්සවාකාරයෙන් පැවැත්විය.
නවීකරණය කරන ලද උඩිස්පත්තුව ආයුර්වේද මධ්යම බෙහෙත් ශාලාව හා ආයුර්වේද ප්රජා සෞඛ්ය වෛද්ය කාර්යාලය ජනතා අයිතියට.
දෛනිකව පැමිණෙන රෝගින්ට ප්රතිකාර ගැනීමේ පහසුව, ගුණාත්මක හා ඵලදායී සෞඛ්ය සේවයක් ලබාදීමේ අරමුණින් නවීකරණය කරන ලද උඩිස්පත්තුව ආයුර්වේද මධ්යම බෙහෙත් ශාලාව හා ආයුර්වේද ප්රජා සෞඛ්ය වෛද්ය කාර්යාලය පසුගිය (16) මධ්යම පළාත් ආණ්ඩුකාරවර නීතිඥ ලලිත් යු. ගමගේ මහතාගේ ප්රධානත්වයෙන් ජනතා අයිතියට පත් කෙරිණි. මෙම අවස්ථාවට සමගාමීව ආයුර්වේද බෙහෙත් ශාලාව පරිශ්රයේ රුක්රෝපණ වැඩසටහන ද සංවිධානය කෙරිණි. මෙම ගොඩනැගිලි ඉදිකර ඇති ඉඩම හෙක්ටයාර් 0.155 ක් පමණ වන අතර මේ සඳහා වැය කරන ලද මුදල රුපියල් මිලියන 16.08 කි.
මෙහිදී ගඟවටකෝරලේ ආයුර්වේද ප්රජා සෞඛ්යය වෛද්ය නිලධාරී වෛද්ය ලක්ශාන්ත ගුණසිංහ මහතා ප්රජා සෞඛ්ය වෛද්ය කාර්යාලයක වැදගත්කම හා එහි කාර්යභාරය මුල්කර ගනිමින් ආහාර සුරක්ෂිතතාව හා පෝෂණය පිළිබඳ දේශනයක්ද පැවැත්වීය. දේශීය ආයුර්වේද වෛද්ය ලක්ෂ්මී වීරසේකර මහත්මිය විසින් දේශීය ආහාර වර්ග හඳුන්වාදීමේ විශේෂ වැඩසටහනක් පැවැත්වීය.
මෙම අවස්ථාවට මැදදුම්බර ප්රාදේශීය සභාවේ උප සභාපති තුමිය, ආණ්ඩුකාර ලේකම්තුමා, පළාත් සෞඛ්ය අමාත්යාංශයේ ලේකම්තුමිය ඇතුළු රජයේ නිලධාරීන් පිරිසක් සහභාගි වූහ.
හඟුරන්කෙත දියතිලක පුස්තකාලය , ‘ඊ’ පුස්තකාලයක් වෙයි
හඟුරන්කෙත ප්රාදේශීය සභාව යටතේ පවතින දියතිලක මහජන පුස්තකාලය තොරතුරු තාක්ෂණ මධ්යස්ථානයක් ද සහිත ව ‘ඊ’ පුස්තකාලයක් බවට නිල වශයෙන් පත් කිරීම පසුගිය (15) මධ්යම පළාත් ආණ්ඩුකාර නීතීඥ ලලිත් යූ. ගමගේ හා නුවරඑළිය දිස්ත්රික් පාර්ලිමේන්තු මන්ත්රී එස්.බී. දිසානායක යන මහත්වරුන්ගේ ප්රධානත්වයෙන් සිදු කෙරිණි.
මහජන පුස්තකාල ‘ඊ’ පුස්තකාල බවට පත් කෙරෙන්නේ ශ්රී ලංකා ජාතික පුස්තකාල හා ප්රලේඛන සේවා මණ්ඩලයේ නියාමනය යටතේ ය. මෙ තුළින් පාඨකයනට අවශ්ය පොත් වඩා පහසුවෙන් හා කඩිනමින් සොයා ගත හැකිවේ. එසේම විවිධ පර්යේෂණ කාර්යයන්ට ලැබෙන්නේ ද මනා අවකාශයකි. පොත පත පරිශීලනයට අදාළ අනාගත ක්රමවේද සමඟ ද මෙම ව්යාපෘතිය සම්බන්ධ වනු ඇත. මේ නුවරඑළිය දිස්ත්රික්කයේ ප්රථම ‘ඊ’ පුස්තකාලය යි.
මේ අවස්ථාවට ආණ්ඩුකාර මහජන සම්බන්ධිකරණ ලේකම් එස්.බී. රත්නායක මහතා ද , හඟුරන්කෙත ප්රාදේශීය සභාවේ සභාපති කේ.බී.ඉලංගන්තිලක මහතා ඇතුළු මන්ත්රී මණ්ඩලය ද, උඩ පළාත ප්රාදේශීය සභාවේ සභාපතිවරයා ද, පළාත් ආණ්ඩුකාර ලේකම් ඇන්ටන් තිලකරත්න මහතා ද , හඟුරන්කෙත ප්රාදේශීය ලේකම් අයි.එම් සේනානායක මහතා ද, පළාත් පාලන දෙපාර්තමේන්තුවේ නිලධාරීන් පිරිසක් ද සහභාගී වී සිටියහ. සභා ලේකම් සී.පී.කේ.දිනපූර්ණ මහත්මිය ඇතුළු කාර්ය මණ්ඩලය වැඩසටහන සංවිධානය කළහ.
ජාත්යන්තර ආබාධ සහිත වූවන්ගේ දිනය සැමරේ
දෙසැම්බර් මස 03 වනදාට යෙදුණු ආබාධ සහිත පුද්ගලයන්ගේ ජාත්යන්තර දින සැමරුම නිමිත්තෙන් ‘වී ෆො රයිට්’ (We for right) ආයතනය ‘බෙරෙන්ඩිනා’ (Berendina) ආයතනයේ අනුග්රහය සහිත ව සංවිධානය කළ විශේෂ වැඩසටහනක් මධ්යම පළාත් ආණ්ඩුකාර නීතීඥ ලලිත් යූ. ගමගේ මහතාගේ ප්රධානත්වයෙන් අද දින (14) මහනුවර ඊ. එල් සේනානායක ළමා පුස්තකාල ශ්රවණාගාරයේදී පැවැත්විණි.
මෙහි විශේෂත්වයක් වූයේ මහනුවර දිස්ත්රික්කයේ වෙසෙන ආබාධ සහිත වූවන්ගේ ප්රවේශය පිළිබඳ ව කළ විගණනයේ වාර්තාව එළි දක්වා එහි මුල් පිටපත ආණ්ඩුකාර ගමගේ මහතා වෙත පිළිගැන්වීම ය. ආබාධ සහිත වූවනට අවශ්ය පහසුකම්, රැකවරණය, ඇගැයීම හා නව අවස්ථා සම්බන්ධයෙන් වූ කරුණු මෙහි අන්තර්ගත ය. මහනුවර නගරයේ හා මහනුවර දිස්ත්රික්කයේ ඉදිරි සංවර්ධන කාර්යයන් හි දී මෙහි එන නිර්දේශ හා යෝජනා සලකා බලන ලෙස ‘වී ෆො රයිට්’ ආයතනය බලධාරීන් වෙතින් ඉල්ලා සිටී.
මෙහිදී අදහස් දක්වමින් ආණ්ඩුකාර ගමගේ මහතා කියා සිටියේ ආබාධ සහිත වූවන් වෙනුවෙන් වසරේ එක් දිනක් නම් කළ ද, ඔවුනගේ යහ පැවැත්ම හා අරමුණු වෙනුවෙන් සෙසු දින ද වෙන් කළ යුතුව ඇති බව යි. ආබාධ සහිත වූවන්ගේ අයිතීන් උල්ලංඝනය නො විය යුතු බවත් ඔහු සඳහන් කර සිටියේ ය.
මහනුවර දිස්ත්රික් ලේකම් චන්දන තෙන්නකෝන් මහතා ද අදහස් දැක්වී ය.
ආණ්ඩුකාර ලේකම් ඇන්ටන් තිලකරත්න මහතා ඇතුළු ජ්යෙෂ්ඨ රාජ්ය නිලධාරීන් කිහිප දෙනෙක්ද මේ අවස්ථාවට එක්ව සිටියහ.
වැඩසටහන සංවිධානය කළේ ‘වී ෆො රයිට්’ හි සභාපතිනි නිශා ෂරිප් , ලේකම් වසන්තා රෝහිණී ඇතුළු සාමාජික සාමාජිකාවන් ය.
- කෝප් විෂන් CO OP VISION ප්රදර්ශනය මහනුවර සහස් උයනේදී ඇරඹේ
- කාර්ය සාධන ඉලක්ක සපුරා ගැනීම තුළින් පාඨක සුභසාධනය ඉහළ නැංවීම මෙන්ම අනාගතයට ගැලපෙන පරිදි පුස්තකාල
- රොබෝ තාක්ෂණ හා නව නිපැයුම් තරගාවලියේ දී සම්මානිත වූ මධ්යම පළාතේ විශිෂ්ටයන් ඇගැයේ.
- ශ්රී ලංකාවේ නව ප්රංශ තනාපතිවරයා සහ මධ්යම පළාත් ආණ්ඩුකාරවරයා අතර හමුවක් මහනුවරදී
අනු-ප්රවර්ගයන්
සාමාන්ය පුවත්
සාමාන්ය පුවත්
